Fjölskylduráð
Dagskrá
1.Framtíð Bókasafns Raufarhafnar
Málsnúmer 202308001Vakta málsnúmer
Fjölskylduráð hefur tíl umfjöllunar framtíð bókasafnsins á Raufarhöfn.
Fjölskylduráð samþykkir hækkun starfshlutfalls bókavarðar úr 11% í 20% frá 1. september og felur fræðslufulltrúa að vinna málið áfram.
2.Umsókn um styrk í Lista og menningarsjóð NÞ - Hinsegin hátíð
Málsnúmer 202307060Vakta málsnúmer
Hinseginfélag Þingeyinga sækir um styrk að upphæð 100.000 kr. í lista- og menningarsjóð Norðurþings vegna skrúðgöngu og hátíðarhalda.
Fjölskylduráð samþykkir að veita 50.000 kr. styrk til félagsins.
3.Starfsemi íþróttamannvirkja í Lundi og á Kópaskeri.
Málsnúmer 202308019Vakta málsnúmer
Fyrir ráðinu liggur tillaga að tilhögun starfsmannahalds í íþróttamannvirkjum í Lundi og á Kópaskeri.
Fjölskylduráð fjallar áfram um málið á næsta fundi ráðsins.
4.Þátttaka Norðurþings í Umhyggjudeginum
Málsnúmer 202308015Vakta málsnúmer
Fyrirspurn frá Umhyggju, félagi langveikra barna um aðkomu að Umhyggjudeginum 2023.
Fjölskylduráð samþykkir þátttöku í Umhyggjudeginum 2023 með því að bjóða íbúum og gestum í sund laugardaginn 26. ágúst í sundlaugarnar á Raufarhöfn og á Húsavík milli kl. 14-16.
5.Grænuvellir - Starfsemi
Málsnúmer 202208023Vakta málsnúmer
Fjölskylduráð heldur áfram umfjöllun sinni um starfsemi Grænuvalla og mönnunarvanda. Erindisbréf starfshóps um bættar starfsaðstæður er lagt fram til samþykktar.
Fjölskylduráð samþykkir erindisbréf starfshóps um bættar starfsaðstæður á leikskólanum Grænuvöllum.
6.Grunnskóli Raufarhafnar - Starfsemi 2023-2024
Málsnúmer 202305073Vakta málsnúmer
Fjölskylduráð heldur áfram umfjöllun um starfsemi Grunnskóla Raufarhafnar skólaárið 2023-2024. Fræðslufulltrúi leggur fram tillögu að samstarfi við Öxarfjarðarskóla.
Fjölskylduráð samþykkir tillögu fræðslufulltrúa varðandi samstarf Grunnskóla Raufarhafnar og Öxarfjarðarskóla og breytingu á skólaakstri sem það felur í sér.
Fundi slitið - kl. 10:00.
Sólveig Ása Arnarsdóttir verkefnastjóri á íþrótta- og tómstundasviði sat fundinn undir liðum 3-4.
Bryndís Sigurðardóttir deildarstjóri bókasafna Norðurþings sat fundinn undir lið 1.
Gunnþór Eyfjörð Gunnþórsson skólastjóri Grunnskóla Raufarhafnar sat fundinn undir lið 6.