Fræðslu- og menningarnefnd Norðurþings

Stefanía V. Gísladóttir, forstöðumaður Bókasafns Öxarfjarðar mætti á fundinn og gerði grein fyrir fjárhagáætlun bókasafnsins.

Umræða varð um gjaldskrár bókasafnanna í Norðurþingi. Fræðslu- og menningarnefnd leggur til við bæjarráð að gjaldskrár bókasafnanna verði samræmdar og gjaldskrá bókasafnsins á Húsavík gildi fyrir öll bókasöfnin, ekki verði greitt fyrir millisafnalán milli bókasafnanna í Norðurþingi.

Fræðslu- og menningarnefnd leggur áherslu á að bókasöfnin í Norðurþingi samræmi bókakaup eftir því sem mögulegt er.
Stefanía vék af fundi kl. 13:45.

Fulltrúar Öxarfjarðarskóla, Guðrún S. Kristjánsdóttir skólastjóri, Hrund Ásgeirsdóttir aðstoðarskólastjóri, Vigdís Sigvarðardóttir fulltrúi kennara og Sigurfljóð Sveinbjörnsdóttir fulltrúi foreldra <SPAN lang=EN-GB style="FONT-SIZE: 11pt; FONT-FAMILY: "Arial","sans-serif""> mættu á fundinn. Guðrún gerði grein fyrir fjárhagsstöðu skólans og lagði fram fjárhagsáætlun vegna ársins 2014. Jafnframt lagði Guðrún fram skýrslu um starfsemi skólans árin 2010 til 2013.

Hrund Ásgeirsdóttir gerði grein fyrir starfsemi Öxarfjarðarskóla.
Kristján Ingi Jónsson leiðbeinandi mætti á fundinn og gerði grein fyrir ungliðastarfi björgunarsveitarinnar Núpa og samstarfi skólans við björgunarsveitina sem er valgrein fyrir nemendur á unglingastigi.

Fulltrúar Öxarfjarðarskóla viku af fundi kl. 14:45.

Gert var hlé á fundi og ekið til Raufarhafnar.

Kl 15:45 var fundi framhaldið í Grunnskólanum á Raufarhöfn.

Fræðslu og menningarfulltrúi lagði fram fjárhagsáætlun bókasafnsins á Raufarhöfn

Fulltrúar Grunnskóla Raufarhafnar Frida Elisabeth Jörgensen skólastjóri, María Sveinsdóttir fulltrúi kennara og Anna Romanska fulltrúi foreldra mættu á fundinn.
Frida Elisabeth gerði grein fyrir fjárhagsstöðu skólans og lagði fram fjárhagsáætlun vegna ársins 2014.

Frida Elisabeth gerði grein fyrir starfsemi Grunnskóla Raufarhafnar. Talsverð umræða varð um samskipti nemenda skólanna í Norðurþingi og hvernig má auka þau og styrkja tengsl unglinga innan svæðisins. Mikilvægt er að eiga samstarf við æskulýðs- og tómstundasvið um málið.
Fulltrúar Grunnskóla Raufarhafnar viku af fundi kl. 16:30.

Fyrir nefndinni liggur umsókn um styrk að upphæð kr. 150.000 vegna námskeiðs og tónleika á vegum söngdeildar Tónlistarskóla Húsavíkur.
Fræðslu og menningarnefnd sér sér ekki fært að verða við erindinu.