Framkvæmda- og hafnanefnd Norðurþings
Dagskrá
1.Breyting á deiliskipulagi miðhafnarsvæðis
Málsnúmer 201411063Vakta málsnúmer
Til umræðu í nefndinni er fyrirhuguð breyting á deiliskipulagi miðhafnarsvæðis. Gaukur Hjartarson og Sif Jóhannesdóttir komu á fund framkvæmda- og hafnanefndar til að ræða og svara spurningum um þessar tillögur að breytingum.
Nefndin þakkar Gauki og Sif kærlega fyrir gagnlegar umræður og upplýsingar. Málið verður til afgreiðslu nefndarinnar á næsta fundi hennar.
2.Stjórnskipulag hafna Norðurþings
Málsnúmer 201510050Vakta málsnúmer
Stjórnskipulag hafna Norðurþings rætt í tengslum við ráðningu nýs rekstrarstjóra sem mætti á fundinn og kynnti sig fyrir nefndarfólki.
Framkvæmda- og hafnanefnd Norðurþings býður Þóri Örn Gunnarsson velkominn til starfa og óskar honum velfarnaðar í starfi.
3.Kostnaðaráætlun og kostnaðardreifing vegna framkvæmda við Bökugarð
Málsnúmer 201511038Vakta málsnúmer
Hafnarstjóri fór yfir helstu verk sem snúa að uppbyggingu hafnarinnar á næstu tveimur árum, tímasetningu þeirra og kostnað við þær.
Lagt fram til kynningar.
4.Hafnarreglugerð Norðurþings 2015
Málsnúmer 201511039Vakta málsnúmer
Fyrir liggur að breytingar verði gerðar á samþykktum sveitarfélagsins. Mikilvægt er að framkvæmda- og hafnanefnd yfirfari Hafnarreglugerð hafna Norðurþings í ljósi þessa. Einnig vegna fyrirhugaðra aukinna umsvifa hafnarinnar á Húsavík er þarft að taka upp ákvæði sem snúa að hafnsögu, lóðs, o.fl.
Lagt fram til kynningar.
5.Stækkun uppfyllingar í suðurfjöru við Húsavík
Málsnúmer 201511037Vakta málsnúmer
Hafnarstjóri kynnti hugmyndir um og nauðsyn sandfangara til suðurs frá Suðurgarði.
Framkvæmda- og hafnanefnd líst vel á hugmyndir um grjótgarð til suðurs (sandfangara) enda mun skapast aukið landrými í suðurfjöru. Hafnarstjóri mun eiga fund með Siglingasviði Vegagerðarinnar á næstu dögum og afla frekari gagna og leggja þau fyrir nefndina að nýju.
6.Hafnasamband Íslands, fundargerðir 2015
Málsnúmer 201502089Vakta málsnúmer
Lagt fram til kynningar.
7.Losunarsvæði fyrir steypubrot, steypuafganga og möl
Málsnúmer 201511040Vakta málsnúmer
Verktaki við Bökugarð á Húsavík hefur tekið fyrir losun á steypuafgöngum, steypubroti og öðru viðlíka í uppfyllinguna við garðinn.
Framkvæmda- og hafnanefnd ítrekar að einstaklingum er skylt að losa allan úrgang í flokkunarstöð. Verktökum er bent á að hafa samband við framkvæmda- og þjónustudeild vegna losunar á umræddum úrgangi.
Fundi slitið - kl. 18:00.