Tillaga til þingsályktunar - Samgönguáætlun 2015-2018

Byggðarráð Norðurþings harmar þá forgangsröðun sem fram kemur í framlögðum drögum að samgönguáætlun. Það eru undarleg skilaboð sem byggðir á Norðausturhorninu fá á sama tíma og ríkisvaldið rekur verkefni um brothættar byggðir á sama svæði. Við blasir að Dettifossvegur er forsenda uppbyggingar atvinnu á þessu viðkvæma svæði og mikilvægur í uppbyggingu innviða ferðaþjónustu á svæðinu.

Byggðarráð leggur áherslu á að vegafé til ferðamannaleiða verði aukið þannig að hægt sé að klára Dettifossveg á tímabilinu.