Samtal og kynning á framtíðarsýn stjórnar á rekstri Björgunarsveitarinnar Garðars

Á fundinn mættu fulltrúar Björgunarsveitarinnar Garðars: Júlíus Stefansson, formaður, Haukur Sigurgeirsson gjaldkeri og Almar Eggertsson. Þeir fóru yfir stöðu sveitarinnar í dag, rekstur, húsnæðismál og framtíðarhorfur.

Byggðarráð þakkar fulltrúum Björgunarsveitarinnar Garðars fyrir kynningu á starfi og stöðu sveitarinnar.

Byggðarráð telur brýnt að endurmetin verði þörf á viðbúnaði og aðstöðu vegna mögulegra björgunaraðgerða á Skjálfanda. Byggðarráð telur nauðsynlegt að þeir aðilar sem bera ábyrgð á björgunarmálum ásamt þeim sem stunda fólksflutninga á sjó á flóanum leiti lausna um þær breyttu forsendur sem blasa við á svæðinu.