Fjárhagsáætlun Æskulýðs og menningarnefndar 2018

Æskulýðs- og menningarnefnd óskar eftir fresti til að skila verkefna og viðhaldslista fyrir mannvirki sviðsins fram til næsta fundar.

Æskulýðs- og menningarnefnd hefur komið sér saman um eftirfarandi áherslupunkta varðandi viðhald og nýframkvæmdir sviðsins fyrir næstu ár:

Verkefni áranna 2018 og 2019
Íþróttahöllin á Húsavík
- Almennt viðhald er komið á tíma, bæði að innan sem og að utan.

Verkefni áranna 2019-2021
Sundlaug Húsavíkur
Bygging nýrrar sundlaugar og að bæta aðstöðu

Önnur brýn verkefni eru meðal annars:
- Skíðamannvirki við Reyðarárhnjúk.
- Endurnýjun sparkvalla við Borgarhólsskóla.
- Íþróttamiðstöðin á Raufarhöfn.

Ítarlegt minnisblað frá Íþrótta- og tómstundafulltrúa verður sent til framkvæmdanefndar og byggðarráðs.

Framlög til menningarmála:
Nefndin leggur áherslu á að framlög til menningarmála verði ekki lækkuð á milli ára eins og kemur fram í núverandi drögum að fjárhagsáætlun, heldur verði menningarstarfsemi gefið aukið vægi.
Einnig var farið yfir fjárhagsáætlun íþrótta- og tómstundamála.

Nefndin hyggst hittast á vinnufundi hið fyrsta og afgreiða fjárhagsáætlun fyrir síðari umræðu í Sveitastjórn.

Málinu er frestað til næsta fundar nefndarinnar.

Æskulýðs- og menningarnefnd samþykkir fjárhagsáætlun og vísar til síðari umræðu í sveitarstjórn.

Nefndin fagnar því sérstaklega að fjármagn verður sett í frístundarstyrki ungmenna á árinu 2018. Fyrirkomulag, reglur og upphæð styrks verður kynnt síðar.