Afnot af íþróttahúsi AG Þjálfun
Málsnúmer 201709137
Vakta málsnúmerÆskulýðs- og menningarnefnd - 14. fundur - 14.11.2017
Angela Agnarsdóttir og Gísli þór Briem fyrir hönd AG Þjálfun óska eftir að fá að nota aðstöðu íþróttahússins á Raufarhöfn undir líkamsræktarstöð og aðra tíma í íþróttahúsinu til tveggja ára endurgjaldslaust.
Æskulýðs- og menningarnefnd - 16. fundur - 12.12.2017
AG Þjálfun hyggst opna líkamsrækt á nýju ári á Raufarhöfn. Töluverðar breytingar þarf að gera á efri hæð hússins með að fjarlægja milliveggi. Einnig óska AG Þjálfun eftir notkun af herbergi á efri hæð hússins sem hefur verið nýtt undir sjúkraþjálfun og aðra þjónustu. Mögulegt er að útbúa herbergi á neðri hæð íþróttamiðstöðvarinnar undir sambærilega þjónustu.
Æskulýðs- og menningarnefnd samþykkir fyrir sitt leyti þær breytingar er gerðar verða á íþróttahúsinu á Raufarhöfn.
Nefndin leggur áherslu á að sjúkraþjálfari sem mun missa sína aðstöðu við breytingarnar hafi aðgang að öðru rými í húsinu eða annarri aðstöðu á Raufarhöfn.
Nefndin leggur áherslu á að sjúkraþjálfari sem mun missa sína aðstöðu við breytingarnar hafi aðgang að öðru rými í húsinu eða annarri aðstöðu á Raufarhöfn.
AG þjálfun ber ábyrgð á því að fyllsta öryggis sé gætt og farið sé eftir lögum og reglum íþróttamannvirkja.
AG þjálfun ber að hafa fullt samráð um notkun hússins við starfsmann íþróttamiðstöðvarinnar og íþróttafélagið Austra.