Kæra Gentle Giants hvalaferða ehf. vegna framkvæmda við Hafnarstétt 13
Málsnúmer 201809090
Vakta málsnúmerSkipulags- og framkvæmdaráð - 18. fundur - 18.12.2018
Nú liggur fyrir úrskurður Úrskurðarnefndar umhverfis- og auðlindamála vegna kæru Gentle Giants - Hvalaferða ehf. á ákvörðun skipulags- og byggingarfulltrúa Norðurþings um að fjarlægja skuli óleyfisframkvæmdir að Hafnarstétt 13. Málið var tekið til endanlegs úrskurðar hjá úrskurðarnefndinni.
Skipulags- og byggingarfulltrúi kynnti úrskurðinn.
Úrskurðarnefndin hafnar kröfu kæranda um ógildingu ákvörðunar byggingarfulltrúa um að óleyfisframkvæmdir utan lóðarmarka Hafnarstéttar 13 skuli fjarlægðar.
Skipulags- og byggingarfulltrúi vinnur nú að framgangi málsins til samræmis við fyrri ákvarðanir.
Skipulags- og byggingarfulltrúi kynnti úrskurðinn.
Úrskurðarnefndin hafnar kröfu kæranda um ógildingu ákvörðunar byggingarfulltrúa um að óleyfisframkvæmdir utan lóðarmarka Hafnarstéttar 13 skuli fjarlægðar.
Skipulags- og byggingarfulltrúi vinnur nú að framgangi málsins til samræmis við fyrri ákvarðanir.
Lagt fram.
Skipulags- og framkvæmdaráð - 23. fundur - 12.02.2019
Fyrir liggur tillaga sveitarstjóra Norðurþings, Kristjáns Þórs Magnússonar, að samkomulagi við Gentle Giants - Hvalaferðir vegna hleðsluveggja sem reistir voru utan við heimiluð mörk við Hafnarstétt 13 á síðasta ári. Tillagan felur í sér málamiðlun af hálfu sveitarfélagsins þar sem boðin er ótímabundin frestun á niðurrifi veggjar austan Flókahúss en gengið út frá að veggir norðan og vestan lóðar verði færðir til þess sem heimilað hefur verið. Tillagan felur einnig í sér ásetning um að ljúka frágangi umhverfis lóðina og að sveitarfélagið muni leita samkomulags við eiganda Helguskúrs varðandi aðkomu til lokafrágang suðurhliðar Flókahúss. Skipulags- og byggingarfulltrúi kynnti hugmyndir lóðarhafa Hafnarstéttar 13 að frágangi málsins, eins og fram koma í tölvupósti lögmanns Gentle Giants - Hvalaferða til sveitarstjóra 8. febrúar s.l.
Skipulags- og framkvæmdaráð fellst fyrir sitt leiti á tillögur sveitarstjóra að framlagðri málamiðlun sem er eftirfarandi:
-Norðurveggur sem reistur var utan heimilda (langveggur í austur/vestur) verði færður svo hann standi innan þess ramma sem framkvæmdinni var heimilaður skv. ákvörðun sveitarstjórnar Norðurþings. Ekki hefur verið gengið endanlega frá veggnum og skv. sérfræðiáliti hægt að taka vegginn niður án mikilla vandkvæða eða skemmda á þeim steinum sem límdir hafa verið saman nú þegar.
-Austurveggur (langveggur í norður/suður) fær að halda sér eins og hann stendur í dag, en þinglýst kvöð á eiganda Hafnarstéttar 13 að komi til breytinga á fasteign sem stendur á lóð Hafnarstéttar 15 („Helguskúr“) til samræmis við gildandi deiliskipulag (tilfærsla/niðurrif) geti Norðurþing farið fram á það við eiganda Hafnarstéttar 13 að veggurinn verði fjarlægður til samræmis við deiliskipulag.
-Heimtaug hitaveitu OH við norðausturenda „Helguskúrs“ verði á þessum tímapunkti ekki færð með þeim hætti að lögn endi utan við núverandi legu veggjarins aftan við Hafnarstétt 13, heldur verði sú kvöð á húseiganda Hafnarstéttar 13 að aldrei megi hefta aðgengi OH að svæðinu komi til bilana og kostnaður vegna bilunar sem raskar með einhverjum hætti fyrirhuguðum frágangi aftan við húseignina að Hafnarstétt 13, lendi ekki á OH af þessum sökum.
-Svæði sveitarfélagsins á milli lóða við Hafnarstétt 9 og 13 verði hannað og gert snyrtilegt til samræmis við umhverfið í kring, þannig að hellulögn og frágangur allur tóni vel við næsta nágrenni. Áætlað er að tillaga verði unnin af umhverfisstjóra Norðurþings og Guðmundi Vilhjálmssyni/GG. GG greiði kostnað við frágang þennan sem nemur 160 cm norðan við steinvegg sem færður verður til samræmis við ofangreint.
-Sveitarstjóri og eða aðrir hlutaðeigandi starfsmenn Norðurþings munu leggja sig alla fram um að sátt megi nást milli eigenda Hafnarséttar 13 og 15 um endanlegan frágang eldvarna og klæðningar milli eignanna og að framkvæmdum við það verk verði lokið hið fyrsta.
-Norðurveggur sem reistur var utan heimilda (langveggur í austur/vestur) verði færður svo hann standi innan þess ramma sem framkvæmdinni var heimilaður skv. ákvörðun sveitarstjórnar Norðurþings. Ekki hefur verið gengið endanlega frá veggnum og skv. sérfræðiáliti hægt að taka vegginn niður án mikilla vandkvæða eða skemmda á þeim steinum sem límdir hafa verið saman nú þegar.
-Austurveggur (langveggur í norður/suður) fær að halda sér eins og hann stendur í dag, en þinglýst kvöð á eiganda Hafnarstéttar 13 að komi til breytinga á fasteign sem stendur á lóð Hafnarstéttar 15 („Helguskúr“) til samræmis við gildandi deiliskipulag (tilfærsla/niðurrif) geti Norðurþing farið fram á það við eiganda Hafnarstéttar 13 að veggurinn verði fjarlægður til samræmis við deiliskipulag.
-Heimtaug hitaveitu OH við norðausturenda „Helguskúrs“ verði á þessum tímapunkti ekki færð með þeim hætti að lögn endi utan við núverandi legu veggjarins aftan við Hafnarstétt 13, heldur verði sú kvöð á húseiganda Hafnarstéttar 13 að aldrei megi hefta aðgengi OH að svæðinu komi til bilana og kostnaður vegna bilunar sem raskar með einhverjum hætti fyrirhuguðum frágangi aftan við húseignina að Hafnarstétt 13, lendi ekki á OH af þessum sökum.
-Svæði sveitarfélagsins á milli lóða við Hafnarstétt 9 og 13 verði hannað og gert snyrtilegt til samræmis við umhverfið í kring, þannig að hellulögn og frágangur allur tóni vel við næsta nágrenni. Áætlað er að tillaga verði unnin af umhverfisstjóra Norðurþings og Guðmundi Vilhjálmssyni/GG. GG greiði kostnað við frágang þennan sem nemur 160 cm norðan við steinvegg sem færður verður til samræmis við ofangreint.
-Sveitarstjóri og eða aðrir hlutaðeigandi starfsmenn Norðurþings munu leggja sig alla fram um að sátt megi nást milli eigenda Hafnarséttar 13 og 15 um endanlegan frágang eldvarna og klæðningar milli eignanna og að framkvæmdum við það verk verði lokið hið fyrsta.