Tillaga um spjaldtölvukaup

Fjölskylduráð fjallaði um málið og meirihluti óskar eftir samtali við skólastjórnendur um tillöguna.
Fræðslufulltrúa falið að boða skólastjórnendur á fund fjölskylduráðs.

Stjórnendur skóla Norðurþings og fjölskylduráð ræddu saman um tillögu frá fulltrúum B - lista um spjaldtölvukaup fyrir nemendur í 4.- 10. bekk í grunnskólum Norðurþings.
Verði af spjaldtölvukaupum fyrir skóla Norðurþings eru aðilar sammála um að vanda verði til innleiðingar á notkun þeirra og að notkun mundi hefjast í 1.bekk í stað 4.bekkjar.

Fjölskylduráð þakkar stjórnendum fyrir góðar umræður.

Helena Eydís Ingólfsdóttir, Benóný Valur Jakobsson og Guðmundur Halldór Halldórsson greiddu atkvæði á móti tillögunni. Bylgja Steingrímsdóttir og Hrund Ásgeirsdóttir samþykktu tillöguna.

Helena, Benóný og Guðmundur leggja til að tillögur stjórnenda skóla Norðurþings varðandi kaup á spjaldtölvum eins og þær birtast í fjárhagsáætlun 2019 verði samþykktar.
Jafnframt leggja þau áherslu á að við gerð skólastefnu Norðurþings sem er framundan verði tekin ákvörðun um þróun skólanna varðandi innleiðingu tækni í kennslu og kaup á tækjum og búnaði til samræmis við þá stefnu.