Kerfisáætlun Landsnets 2019-2028 - Verkefnis og matslýsing

Fyrir byggðarráði liggur verkefnis- og matslýsing kerfisáætlunar Landsnets fyrir tímabilið 2019-2028. Óskað er eftir að ábendingar og athugasemdir við verkefnis- og matslýsinguna berist fyrir 19. desember.

Landsnet vinnur að undirbúningi við mótun kerfisáætlunar fyrir tímabilið 2019-2028, sem er ætlað að gefa heildarsýn yfir þróun flutningskerfis raforku á næstu árum. Landsnet mun vinna umhverfismat fyrir kerfisáætlun í samræmi við lög nr. 105/2006 um umhverfismat áætlana. Landsnet kynnir nú verkefnis- og matslýsingu áætlunarinnar. Í verkefnis- og matslýsingu er m.a. gerð grein fyrir:
- Meginforsendum kerfisáætlunar.
- Efnistökum umhverfisskýrslu.
- Hverjir eru helstu áhrifaþættir áætlunarinnar.
- Hverjir eru helstu umhverfisþættir sem kunna að verða fyrir áhrifum.
- Valkostum til skoðunar.
- Gögnum sem lögð verða til grundvallar.
- Matsspurningum og viðmiðum við mat á
vægi og umfangi umhverfisáhrifa.
Verkefnis- og matslýsingin er aðgengileg á heimasíðu Landsnets www.landsnet.is.
Frestur til að gera athugasemdir eða koma með ábendingar við matslýsinguna er til og með 19. desember 2018.