Hverfisráð Reykjahverfis 2019 - 2021

Byggðarráð þakkar hverfisráði Reykjahverfis fyrir umsögn sína varðandi framtíðarfyrirkomulag reksturs og eignarhalds á Heiðarbæ.
Byggðarráð vísar liðum númer 2 og 3 til skipulags- og framkvæmdaráðs.
Aðrir liðir fundargerðarinnar lagðir fram til kynningar.

Skipulags- og framkvæmdaráð hefur kynnt sér fyrirkomulag snjómoksturs víðsvegar og hefur á þeim forsendum ákveðið að samræma fyrirkomulag snjómoksturs í dreifbýli í Norðurþingi.

Skipulags- og framkvæmdaráð hefur ekki í hyggju að leggja göngu- og hjólreiðastíg samhliða lagningu nýrrar hitaveitulagnar.

Undanfarið ár hafa starfsmenn Norðurþings verið að endurskoða þjónustu varðandi snjómokstur í Norðurþingi.
Í því felst einnig að hafa meiri yfirsýn yfir snjómokstur í sveitarfélaginu.
Útboð varðandi snjómokstur í Reykjahverfi er liður í þessu ferli.
Ráðið þakkar hverfisráði erindið og hefur endurbætt útboðslýsingu þannig að þá ættu starfsmenn Norðurþings að geta kallað til aukamoksturs
þegar þess er þörf á sömu verðum og voru í upphaflegu útboði.

Ráðið felur framkvæmda- og þjónustufulltrúa að skoða hvaða heimreiðar gætu fallið undir helmingamokstur hjá Vegagerðinni.
Einnig mun ráðið setja verklagsreglur varðandi óskir um snjómokstur og taka málið upp aftur á fyrsta fundi árs 2020 þegar niðurstaða útboðs liggur fyrir.

Umræður um snjómokstur hafa farið fram inni í skipulags- og framkvæmdaráði og á íbúafundi í Reykjahverfi á þriðjudaginn var. Málið er í ferli innan stjórnkerfisins og verður unnið áfram af skipulags- og framkvæmdaráði sem verður í samráði við hverfisráð Reykjahverfis.

Lið númer 4 hefur verið svarað í fundargerð 216. fundar Orkuveitu Húsavíkur ohf. frá 18. febrúar sl.
Lagt fram til kynningar.