Eignarhald á landskika sunnan Þorvaldsstaðaár
Málsnúmer 202201068
Vakta málsnúmerSkipulags- og framkvæmdaráð - 117. fundur - 01.02.2022
Halldór Tumi Ólason og Jón Hallmar Stefánsson, f.h. Halldórs Valdimarssonar og Hallgríms Valdimarssonar óska eftir staðfestingu á eignarhaldi bræðranna á túnlóð í Árbugslág. Með erindi fylgja afrit eldri skjala. Skipulags- og byggingarfulltrúi kynnti sín sjónarmið í málinu.
Skipulags- og framkvæmdaráð felur skipulags- og byggingarfulltrúa að undirbúa svör sveitarfélagsins.
Skipulags- og framkvæmdaráð - 122. fundur - 22.03.2022
Halldór Tumi Ólason og Jón Hallmar Stefánsson, f.h. Halldórs og Hallgríms Valdimarssona ítreka óskir fyrra bréfs vegna landskika sunnan Þorvaldsstaðaár. Þeir telja að í svari sveitarfélagsins frá 18. febrúar felist misskilningur.
Skipulags- og framkvæmdaráð telur bréf skipulags- og byggingarfulltrúa frá 18. febrúar s.l. alveg skýrt hvað varðar sjónarmið sveitarfélagsins og sér þar engan misskilning í málinu af hálfu sveitarfélagsins.
1. Umrædd landspilda var leigð Jóhannesi Guðnasyni út úr landi Húsavíkur 1929 og skilmálar samnings milli aðila skýrir. Þessu landi hefur aldrei verið afsalað úr landi Húsavíkur og er því í eigu sveitarfélagsins á grunni eignarheimildar frá 1913. Sveitarfélagið hafnar því alfarið eignarhaldi Halldórs og Hallgríms að þessu landi.
2. Sveitarfélaginu er ekki mikilvægt að hnitsetja túnlóðir sem teiknaðar voru á uppdrætti snemma á síðustu öld. Áhugasamir um slík verkefni vinni þau á sinn kostnað.
3. Halldór Valdimarsson hefur greitt hóflega leigu af landi sem hann hefur fengið til afnota af sveitarfélaginu skv. undirrituðum samningi milli aðila sem er að grunni til frá 2009. Leigufjárhæð er til samræmis við aðra sambærilega leigusamninga og ráðið fær ekki séð að tilefni sé til endurgreiðslu þeirrar fjárhæðar, enda hefur Halldór haft afnot af landinu þennan tíma.
1. Umrædd landspilda var leigð Jóhannesi Guðnasyni út úr landi Húsavíkur 1929 og skilmálar samnings milli aðila skýrir. Þessu landi hefur aldrei verið afsalað úr landi Húsavíkur og er því í eigu sveitarfélagsins á grunni eignarheimildar frá 1913. Sveitarfélagið hafnar því alfarið eignarhaldi Halldórs og Hallgríms að þessu landi.
2. Sveitarfélaginu er ekki mikilvægt að hnitsetja túnlóðir sem teiknaðar voru á uppdrætti snemma á síðustu öld. Áhugasamir um slík verkefni vinni þau á sinn kostnað.
3. Halldór Valdimarsson hefur greitt hóflega leigu af landi sem hann hefur fengið til afnota af sveitarfélaginu skv. undirrituðum samningi milli aðila sem er að grunni til frá 2009. Leigufjárhæð er til samræmis við aðra sambærilega leigusamninga og ráðið fær ekki séð að tilefni sé til endurgreiðslu þeirrar fjárhæðar, enda hefur Halldór haft afnot af landinu þennan tíma.