Aðstaða fyrir áhorfendur á PCC-vellinum á Húsavík

Fyrir sveitarstjórn liggur eftirfarandi tillaga:

Undirrituð leggja til að hafin verði vinna við að kostnaðarmeta, kanna
fjármögnunarleiðir og skoða útfærslur á uppbyggingu á bættri aðstöðu fyrir áhorfendur á PCC-vellinum á Húsavík. Málinu verði vísað til fjölskylduráðs og fjárhagsáætlunargerðar fyrir árið 2025.

Ljóst er að meistaraflokkur karla í knattspyrnu hjá Völsungi mun leika í Lengjudeildinni að ári. Í þeirri deild eru gerðar kröfur um aukna aðstöðu fyrir áhorfendur á leikjum liðsins.

Bylgja Steingrímsdóttir
Hafrún Olgeirsdóttir
Hanna Jóna Stefánsdóttir
Helena Eydís Ingólfsdóttir
Hjálmar Bogi Hafliðason

Á 147 fundi sveitarstjórnar var eftirfarandi bókað:

Fyrir sveitarstjórn liggur eftirfarandi tillaga:
Undirrituð leggja til að hafin verði vinna við að kostnaðarmeta, kanna
fjármögnunarleiðir og skoða útfærslur á uppbyggingu á bættri aðstöðu fyrir áhorfendur á PCC-vellinum á Húsavík. Málinu verði vísað til fjölskylduráðs og fjárhagsáætlunargerðar fyrir árið 2025.
Ljóst er að meistaraflokkur karla í knattspyrnu hjá Völsungi mun leika í Lengjudeildinni að ári. Í þeirri deild eru gerðar kröfur um aukna aðstöðu fyrir áhorfendur á leikjum liðsins.

Til máls tók: Hjálmar.

Fyrirliggjandi tillaga er samþykkt samhljóða.

Fyrir fjölskylduráði liggur úttekt á vallarsvæði íþróttafélagsins Völsungs sem framkvæmd var 23.september sl. vegna þátttöku meistaraflokks karla í knattspyrnu í Lengjudeild sumarið 2025. Einnig liggur fyrir ráðinu minnisblað um kostnað við úrbætur.

Fyrir fjölskylduráði liggur úttekt á vallarsvæði íþróttafélagsins Völsungs sem framkvæmd var 23.september sl. vegna þátttöku meistaraflokks karla í knattspyrnu í Lengjudeild sumarið 2025.
Á 200. fundi fjölskylduráðs var eftirfarandi bókað: Fjölskylduráð óskar eftir því við skipulags- og framkvæmdaráð að það kanni möguleika á uppsetningu vökvunarkerfis samhliða endurnýjun gervigrass með tilliti til endingar grassins.
Ráðið vísar málinu til umfjöllunar hjá skipulags- og framkvæmdaráði.

Sviðsstjóri kynnti framvindu áætlaðra framkvæmda á PCC-vellinum á Húsavík árið 2025.

Fyrir skipulags- og framkvæmdaráði liggur að taka ákvörðun út frá kynningu verkefnastjóra á kostnaði vegna áhorfendastúku á PCC velli á Húsavík.

Fyrir skipulags- og framkvæmdaráði liggur ósk um framkvæmdaleyfi vegna byggingar á stúku við gervigrasvöll PCC. Stúkan er 33 m breið og 2,9 m há og fellur því inn í brekkuna norðan við gervigrasvöllinn. Að auki er ætlunin að koma fyrir tveimur litlum gámaeiningum, annars vegar aðstaða fyrir afgreiðslu og hins vegar snyrtingu. Fyrir liggur undirritað samþykki nágranna vegna framkvæmdarinnar.