50 ár frá Kópaskersskjálftanum

Formaður byggðarráðs leggur til að byggðarráð óski eftir því við hverfisráð Kelduhverfis og Öxarfjarðar að þau taki til umræðu möguleika á að minnast þess á árinu 2026 að þá verða 50 ár liðin frá stóra Kópaskersskjálftanum og þá með hvaða hætti það væri best gert.
Skjálftinn reið yfir þann 13. janúar árið 1976. Hann mældist 6,4 stig og átti upptök undir hafsbotni skammt undan Kópaskeri. Miklar skemmdir urðu á húsum á Kópaskeri, vatns- og holræsalagnir rofnuðu, og voru íbúarnir fluttir brott í norðan stórhríð við illan leik.