Ósk um breytingu deiliskipulags heilbrigðisstofnana á Húsavík

Framkvæmdasýslan - Ríkiseignir (FSRE) óska þess að gerð verði breyting á deiliskipulagi lóðarinnar að Auðbrekku 2. Byggingarreitur verði rýmkaður og lóðarmörkum breytt þannig að öll nýframkvæmd vegna fyrirhugðarar uppbyggingar hjúkrunarheimilis verði innan sömu lóðar.

Fyrir liggur tillaga skipulagsráðgjafa að breytingu deiliskipulags fyrir heilbrigðisstofnanir á Húsavík. Breytingin felur í sér stækkun lóðar óbyggðs hjúkrunarheimilis að Auðbrekku 2 um 504 m² á kostnað lóðar Hvamms að Vallholtsvegi 15-17. Það er gert til að tengibygging milli húsanna verði alfarið inni á lóðinni að Auðbrekku 2. Ennfremur er byggingarreitur útvíkkaður nokkuð, annarsvegar til austurs og hinsvegar vestantil vegna breyttra hugmynda um staðsetningu tengigangs milli bygginga.

Eysteinn Heiðar Kristjánsson vék af fundi undir þessum lið.

Nú er grenndarkynningu deiliskipulags heilbrigðisstofnana á Húsavík lokið. Breytingin felur í sér stækkun lóðar Auðbrekku 2 um 504 m² á kostnað Vallholtsvegar 15-17. Ennfremur er byggingarreitur lóðarinnar að Auðbrekku 2 stækkaður. Engar athugasemdir bárust innan tilskilins frests við grenndarkynninguna, að undanskilinni ábendingu um rangt götuheiti frá Helenu Eydísi Ingólfsdóttur.

Á 216. fundi skipulags- og framkvæmdaráðs var eftirfarandi bókað:
Skipulags- og framkvæmdaráð leggur til við sveitarstjórn að deiliskipulagsbreytingin verði samþykkt eins og hún var kynnt. Skipulagsfulltrúa verði falið að auglýsa gildistöku skipulagsbreytingarinnar.