Erindi frá Hestamannafélaginu Feyki

Málsnúmer 202504027

Fjölskylduráð - 215. fundur - 29.04.2025

Hestamannafélagið Feykir óskar eftir samstarfi vegna æskulýðsstarfs félagsins. Óskað er eftir að gera samning fyrir árið 2025 og til lengri tíma. Auk þess óskar félagið eftir undanþágu til að hægt sé að nýta frístundarstyrk upp í námskeiðisgjöld.

Fjölskylduráð samþykkir að styrkja Hestamannafélagið Feyki um 250.000 krónur vegna reiðnámskeiða barna árið 2025 og felur verkefnastjóra á velferðarsviði að hefja samtal við Hestamannafélagið Feyki vegna styrktarsamnings til lengri tíma.

Fjölskylduráð heimilar einnig undanþágu frá reglum um nýtingu frístundastyrkja vegna lengdar námskeiðs.