Breytingar á fjármögnun vegna uppbyggingar hjúkrunarheimila

Sveitarfélögin hafa gert samkomulag við ríkið sem felur það í sér að ábyrgð á fjármögnun vegna uppbyggingar hjúkrunarheimila verður alfarið á ábyrgð ríkisins frá og með 1. júlí 2025.

Þá á einnig að einfalda verka- og ábyrgðaskiptingu á hjúkrunarheimilum í sameiginlegri eigu ríkis og sveitarfélaga með því að þau hjúkrunarheimili færist yfir til ríkisins með sambærilegum hætti og gert var með eignarhlut ríkisins í grunnskólahúsnæði þegar það færðist yfir til sveitarfélaga. Ríkið mun þá jafnframt alfarið taka yfir viðhaldsskyldu á eignunum sem sveitarfélagið bæri annars í samræmi við eignarhlutdeild í viðkomandi eign.