Viljayfirlýsing um uppbyggingu gagnavers á Bakka

Fyrir byggðarráði liggja drög að viljayfirlýsingu Norðurþings við gagnaversfyrirtæki, sem hefur sérhæft sig í starfsemi á norðurslóðum, um byggingu gagnavers á Bakka.

Á 502. fundi byggðarráðs þann 14. ágúst sl. var eftirfarandi bókað:
Byggðarráð felur sveitarstjóra að vinna drögin áfram í samráði við lögfræðing og vísar málinu til staðfestingar á næsta fundi sveitarstjórnar.
Iðnaðarsvæðið á Bakka er í einstakri stöðu til að sameina endurnýjanlega jarðvarmaorku með mikla rekstrarhagkvæmni í köldu loftslagi og endurvinnslu á varma. Gagnaver sem byggir á gervigreind hefur möguleika til að gagnast heimamönnum, atvinnulífinu og hagkerfinu í heild.

Fyrir byggðarráði liggur tillaga um að virkja 13. gr. c lið í viljayfirlýsingu Norðurþings við GIGA-42. Með því verði Norðurþingi heimilt innan 30 daga að gera viljayfirlýsingar við önnur gagnaversverkefni jafnframt því að viljayfirlýsing við GIGA-42 verði áfram í gildi án einkaréttarákvæðis.

Á fund byggðarráðs kl. 08:30 kom Björn Gíslason, verkefnastjóri atvinnuuppbyggingar á Bakka.

Á 521. fundi byggðarráðs var samþykkt samhljóða tillaga um breytingu á viljayfirlýsingu við GIGA-42.
Fyrir sveitarstjórn liggur til afgreiðslu viðauki, fyrsta breyting á viljayfirlýsingu á milli GIGA-42 og Norðurþings frá 27. ágúst 2025.