Lóðarhafar Höfða 3 og Höfða 5c óska eftir lóðarstækkun

Lóðarhafar að Höfða 3 og Höfða 5c óska eftir lóðarstækkun um 3 m til austurs, inn á lóð áhaldahúss Norðurþings. Meðfylgjandi erindi er rissmynd af óskaðri lóðarstækkun. Lóðarhafar telja mikilvægt að hafa lóðarréttindi út frá sínum húsum, m.a. til að sinna viðhaldi klæðinga utanhúss og minnka líkur á skemmdum á þeim. Sviðsstjóri gerði grein fyrir sjónarmiðum stjórnenda þjónustustöðvar þar sem lagst er gegn umbeðinni stækkun lóðarinnar.

Á 233. fundi skipulags- og framkvæmdaráðs var eftirfarandi bókað:

Skipulags- og framkvæmdaráð telur sér ekki fært að gefa eftir 3. m breytt svæði af lóð þjónustustöðvar enda myndi það skerða umtalsvert geymslu- og athafnasvæði lóðarinnar. Á hinn bóginn tekur ráðið undir sjónarmið umsækjenda varðandi mikilvægi þess að húseigendur hafi aðgang innan lóðar að eignum sínum og leggur til við sveitarstjórn að lóðarhöfum að Höfða 3 og Höfða 5c verði boðin lóðarstækkun sem fælist í að lóðarmörk yrðu 1,5 m austan við verkstæðisskemmu GG. Norðurþing býður umsækjendum einnig tímabundin afnot af nærsvæðum vegna endurnýjunar eða viðhald klæðninga. Skipulags- og byggingarfulltrúa verði falið að útbúa hnitsettar lóðarmyndir.