Svæðisskipulag háhitasvæða í Þingeyjarsýslum

Svæðisskipulag háhitasvæða í Þingeyjarsýslum 2007-2025 var samvinnuverkefni fjögurra sveitarfélaga, Aðaldælahrepps, Þingeyjarsveitar, Skútustaðahrepps og Norðurþings sem skipulagsvöldin höfðu á tilgreindum háhitasvæðum í Þingeyjarsýslum og iðnaðarsvæði á Bakka.

Gildistími svæðisskipulagsins er nú liðinn. Því þurfa aðildarsveitarfélög, Norðurþing og Þingeyjarsveit, að taka ákvörðun um framhaldið.

Á 74. fundi sveitarstjórnar Þingeyjarsveitar sem haldinn var 26. febrúar var eftirfarandi bókað og samþykkt:

2602017 - Svæðisskipulag háhitasvæða í Þingeyjarsýslum

Fyrir sveitarstjórn liggur erindi frá byggðarráði Norðurþings varðandi svæðisskipulag háhitasvæða í Þingeyjarsýslum þar sem óskað er eftir samtali við Þingeyjarsveit varðandi framhald svæðiskipulags sem sveitarfélögin höfðu með sér á tilgreindum háhitasvæðum í Þingeyjarsýslum og iðnaðarsvæðinu á Bakka á árunum 2007-2025.

Sveitarstjórn þakkar erindið og felur sveitarstjóra að funda með byggðaráði Norðurþings.
Samþykkt samhljóða