Byggðarráð Norðurþings

Aldey, Áki og Benóný óska eftir að taka áætlanir vegna áranna 2026-2029 til umræðu.

Undirritaður leggur til að framkvæmdum sem áætlað var að framkvæma á árinu 2026 að upphæð 190 m.kr verði færðar til ársins 2027. Þeim framkvæmdum sem verður seinkað eru gólf og stúka íþróttahöll, endurnýjun götu/Ketilsbraut og framkvæmdum við stjórnsýsluhús Ketilsbraut 7-9 á Húsavík og ný sundlaug í Lundi. Framkvæmdum verði framhaldið við félagsmiðstöð og frístund og Suðurgarð.

Kröfur á sveitarfélagið vegna endurgreiðslu farþegagjalda hvalaskoðunarfyrirtækja á Húsavík nema í heild rúmlega 190 m.kr. Staða sveitarsjóðs er þung vegna stöðvunar verksmiðju PCC á Bakka.

Tillagan felur í sér að framkvæmt verður fyrir 410 m.kr í A-hluta á árinu 2026 í stað 595 m.kr sem samþykkt var í fjárhagsáætlun 2026-2029.

Hjálmar Bogi Hafliðason

Fyrir byggðarráði liggur krafa frá Norðursiglingu ehf. vegna farþegagjalda að upphæð 90.634.454 kr.

Fyrir byggðarráði liggur krafa frá Húsavík Adventures ehf. ehf. vegna farþegagjalda að upphæð 9.698.462 kr.

Fyrir byggðarráði liggja útsvarstekjur í febrúar 2026 og fleira tengt rekstri.

Fyrir byggðarráði liggur að taka afstöðu til ferlis vegna auglýsingar slökkviliðsstjóra.

Ráðið bókaði á 512. fundi sínum þann 18.12.2025:
Fyrir byggðarráði liggja til staðfestingar framlengdir ráðningarsamningar sem gilda til 01.06.2026 við starfandi slökkviliðsstjóra og varaslökkviliðsstjóra.

Félags- og húsnæðismálaráðuneytið óskar eftir sameiginlegri tilnefningu Þingeyjarsveitar, Norðurþings og Tjörneshrepps í svæðisráð um strandsvæðisskipulag fyrir Skjálfanda. Óskað er eftir tilnefningu þriggja aðalfulltrúa og þriggja varafulltrúa.

Fyrir byggðarráði liggur til kynningar könnun.

Taktu þátt í að einfalda regluverk um verkefni sveitarfélaga.

Á 74. fundi sveitarstjórnar Þingeyjarsveitar sem haldinn var 26. febrúar var eftirfarandi bókað og samþykkt:

2602017 - Svæðisskipulag háhitasvæða í Þingeyjarsýslum

Fyrir sveitarstjórn liggur erindi frá byggðarráði Norðurþings varðandi svæðisskipulag háhitasvæða í Þingeyjarsýslum þar sem óskað er eftir samtali við Þingeyjarsveit varðandi framhald svæðiskipulags sem sveitarfélögin höfðu með sér á tilgreindum háhitasvæðum í Þingeyjarsýslum og iðnaðarsvæðinu á Bakka á árunum 2007-2025.

Sveitarstjórn þakkar erindið og felur sveitarstjóra að funda með byggðaráði Norðurþings.
Samþykkt samhljóða

Fyrir byggðarráði liggur boð á ársþing SSNE sem haldið verður í Menningarhúsinu Bergi, Dalvíkurbyggð, 26. mars næst komandi.

Umhverfis- og samgöngunefnd Alþingis sendir til umsagnar 505. mál, Sveitarstjórnarlög. Frestur til að senda inn umsögn er til og með 20. mars nk.

Umhverfis- og samgöngunefnd Alþingis sendir til umsagnar 499. mál, varnir gegn sjóflóðum og skriðuföllum og Vegagerðin, framkvæmdastofnun samgöngumála (markmið nýting eigna, framkvæmdaumsjón). Frestur til að senda inn umsögn er til og með 19. mars nk.

Fyrir byggðarráði liggur fundargerð 994. fundar Sambands íslenskra sveitarfélaga frá 3.mars sl.

Fyrir byggðarráði liggur fundarboð á aðalfund Lánasjóðs sveitarfélaga föstudaginn 20.mars 2026 á Grand Hótel Reykjavík.

Fyrir byggðarráði liggja þrjár fundargerðir Markþings. Fundirnir fóru fram 9.desember, 12.janúar og 11.febrúar s.l.

Fyrir byggðarráði liggur fundargerð Græns iðngarðs á Bakka ehf. frá 26. febrúar sl.