Áskorun til yfirvalda íþróttamála og sveitarfélaga
Málsnúmer 202604046
Vakta málsnúmerByggðarráð Norðurþings - 520. fundur - 23.04.2026
Fyrir byggðarráði liggur áskorun frá KSÍ til yfirvalda íþróttamála, sveitarfélaga, ÍSÍ og UMFÍ, sem samþykkt var á ársþingi KSÍ sem fram fór á Egilsstöðum þann 28. febrúar 2026.
Í áskoruninni er lýst verulegum áhyggjum af þeirri staðreynd að börn á landsbyggðinni búi við skert jafnrétti til íþróttaiðkunar vegna ferðakostnaðar, vinnutaps foreldra og fjarveru barna frá námi.
Í áskoruninni er lýst verulegum áhyggjum af þeirri staðreynd að börn á landsbyggðinni búi við skert jafnrétti til íþróttaiðkunar vegna ferðakostnaðar, vinnutaps foreldra og fjarveru barna frá námi.
Í skýrslu um úttekt á Ferðasjóði íþróttafélaga má glögglega sjá hvernig ferðakostnaður hefur hækkað og endurgreiðsluhlutfall úr sjóðnum lækkað. Upphæð umsókna hefur hækkað úr 473 m.kr. árið 2018 í 695 m.kr. árið 2024, á sama tíma og greiðslur úr Ferðasjóði íþróttafélaga hafa hins dregist saman um 3 m.kr., voru 127 m.kr. 2018 en 124 m.kr. 2024.
Ráðið hvetur ríkisstjórn Íslands til að ríða á vaðið og hækka nú þegar framlög í Ferðasjóð íþróttafélaga. Með hækkun framlaga í sjóðinn er betur hægt að tryggja jafnræði barna og ungmenna. Jafnframt hvetur byggðarráð ríkistjórn Íslands til að kanna leiðir til að veita íþróttafélögum loftbrúarstuðning til lækkunar á flugfargjöldum fyrir iðkendur og starfsmenn sem fylgja keppnishópum hvert sinn og stuðla þannig að auknu öryggi barna og ungmenna í ferðum vegna æfinga og keppni.
Þátttaka barna og ungmenna í æfingum og keppni á ekki að vera munaður á fárra færi heldur grundvallarþáttur í eflingu lýðheilsu og félagslegrar þátttöku. Búseta barna á Íslandi á heldur ekki að ráða því hvort þau hafi raunhæfa möguleika á að taka þátt í æfingum og keppni, hvort sem er með íþróttafélaginu sínu eða í landsliðsverkefnum sérsambanda.
Sveitarstjóra er falið að koma bókun þessari á framfæri við viðeigandi ráðherra.