Fyrirhuguð hækkun virðisaukaskatts á baðlón

Baðlón auka ótvírætt búsetugæði heimafólks í námunda þeirra en hafa fyrst og fremst á undanförnum árum orðið mikilvægur hluti ferðaþjónustu. Þá gegna þau mikilvægu hlutverki í atvinnusköpun og uppbyggingu samfélaga utan höfuðborgarsvæðisins.

Byggðarráð lýsir yfir áhyggjum af fyrirhugaðri hækkun virðisaukaskatts á baðlón með svo skömmum fyrirvara og áhrifum þeirrar ákvörðunar á ferðaþjónustu og atvinnulíf, sérstaklega á landsbyggðinni þar sem nánast öll baðlón landsins eru staðsett.

Byggðarráð telur mikilvægt að tryggja stöðugt og samkeppnishæft rekstrarumhverfi fyrir ferðaþjónustu um land allt og skorar á ríkisstjórn Íslands að endurskoða tímasetningu á hækkun virðisaukaskatts á baðlón.

Sveitarstjóra er falið að koma bókun þessari á framfæri við viðeigandi ráðherra.