Umsókn um FIFA Arena - minipitch

Fulltrúar meirihluta sveitarstjórnar leggja til að sótt verði um til KSÍ að fá FIFA Arena mini-pitch í Norðurþing. Lagt er til að fáist umsóknin samþykkt verði völlurinn staðsettur á skólalóð Öxarfjarðarskóla. Jafnframt er lagt til að skipulags- og framkvæmdaráð kostnaðarmeti og geri ráð fyrir kostnaði við undirbúningsvinnu vegna uppsetningar á vellinum og frágangi umhverfis hann í fjárhags- og fjárfestingaáætlunum ársins 2027. Samráð verði haft í skipulags- og framkvæmdaráði og fjölskylduráði um staðsetningu vallarins á skólalóðinni. Lagt er til að málinu verði vísað til skipulags- og framkvæmdaráðs til úrvinnslu.

Á 165. fundi sveitarstjórnar var eftirfarandi bókað: Til máls tóku: Kjartan, Ágúst, Aldey og Helena. Ágúst leggur fram eftirfarandi breytingartillögu: Ný grein: Lagt er til að málinu verði vísað til skipulags- og framkvæmdaráðs og fjölskylduráðs til úrvinnslu. Út falli: Samráð verði haft í skipulags- og framkvæmdaráði og fjölskylduráði um staðsetningu vallarins á skólalóðinni. Lagt er til að málinu verði vísað til skipulags- og framkvæmdaráðs til úrvinnslu. Breytingartillagan er felld með atkvæðum Kjartans, Eysteins, Þorsteins, Helenu, Ómars og Rebekku. Bylgja sat hjá. Fyrirliggjandi tillaga meirihluta sveitarstjórnar er samþykkt samhljóða og vísað til skipulags- og framkvæmdaráðs til frekari úrvinnslu.