Möguleg sala ríkisins á húsnæði á Aðaldalsflugvelli

Á uppbyggingartíma Þeistareykjavirkjunar og iðnaðarsvæðisins á Bakka sköpuðust aðstæður fyrir áætlunarflug á Húsavíkuflugvöll á markaðsforsendum. Sveitarfélagið vinnur hörðum höndum að uppbyggingu iðnaðarsvæðisins á Bakka í samvinnu við ríkið.

Ráðinu hugnast ekki áform um sölu flugstöðvarinnar vegna hlutverks vallarins m.a. í sjúkraflugi og vegna áforma um atvinnuuppbyggingu. Þrátt fyrir að áætlunarflug fari ekki um völlinn sem stendur er nokkur umferð um völlinn vegna einkaflugs m.a. aðila sem kanna aðstæður á svæðinu til atvinnuuppbyggingar.

Byggðarráð felur sveitartjóra að koma á fundi með fjármálaráðherra vegna áforma ríkisins um sölu á flugstöð Húsavíkurflugvallar í Aðaldal.