Orkuveita Húsavíkur ohf

Stjórn Orkuveitu Húsavíkur samþykkir fyrirliggjandi fjárhagsáætlun fyrir árið 2027.

Farið var yfir framkvæmdaráætlun 2027. Stjórn Orkuveitu Húsavíkur samþykkir að ráðstöfunarfé til framkvæmda verði allt að 180m.kr. sem skiptist á milli kjarnastarfsemi Orkuveitunnar, hitaveitu, vatnsveitu og fráveitu.

Stjórn Orkuveitu Húsavíkur samþykkir að hækka gjaldskrá félagsins um 2,5% frá 1. janúar 2027.

Ágúst Sigurður Óskarsson bókar:
M-Listi Samfélagsins fagnar þessari ákvörðun og hóflegum hækkunum sem styðja baráttu með samfélaginu gegn þrálátri verðbólgu og háu vaxtastigi s.l.ára.
Því er beint til Sveitarstjórnar Norðurþings að láta önnur gjöld s.s. vatnsgjald og fráveitugjald hafa sömu breytingar (að meðaltali).

Stjórn Orkuveitu Húsavíkur ohf. þakkar góða kynningu rekstrarstjóra á stöðu helstu verkefna.
En þar ber helst að nefna að framkvæmd við kaldavatnlögn um Stóragarð gekk vel og eykur hún afhendingaröryggi til muna, verkið var unnið í góðri samvinnu við Rarik með nýtingu á skurðstæði, eftir er yfirborðsfrágangur.
Hafnar eru framkvæmdir við heimlagnir að nýju hjúkrunarheimili sem er í byggingu,
Framkvæmdir á Raufarhöfn við sameiningu útrása við Víkurbraut ganga vel en búið er að tengja lagnir og verið er að ganga frá yfirborði.
Endurnýjuð var einangrunarkápa á 400mm lögn við Þverá í Reykjahverfi eftir að bilun kom þar upp á einangrun á um 40 metra kafla.
Búið er að bora til viðbótar 4 hitastigulsholur, tilgangur holanna er jarðhitarannsóknir og leit að heitu vatni í landi Húsavíkur.