Fréttir

Nýverið var gengið frá samkomulagi við útgefanda Skráarinnar og Íslandspóst um dreifingu á Skránni til íbúa innan sveitarfélagsins sem njóta þjónustu landpósts. Fyrirkomulagið er þannig að þegar Skráin kemur út er farið með hana á póstinn sem dreifir henni á heimilin sem svokölluðum fjölpósti.

Vegna fæðingarorlofs  er auglýst eftir forstöðumanni að Bókasafninu á Húsavík í 100% starf í 14 mánuði frá 1. apríl 2006. Um er að ræða fjölbreytt starf á nútímalegu safni. Umsækjendur þurfa að búa yfir skipulagshæfileikum, færni í mannlegum samskiptum og hafa reynslu af öflun og miðlun upplýsinga. Æskilegt er að umsækjendur hafi lokið námi í bókasafns – og upplýsingafræðum eða annarri háskólamenntun sem nýtist í starfi og hafi góða þekkingu á tölvum og möguleikum hugbúnaðar í safnaþjónustu. 

Utankjörfundaratkvæðagreiðsla vegna sameiningarkosninganna 21. janúar 2005, er hafin á Sýsluskrifstofunni. Kosið verður um sameiningu fjögurra sveitarfélaga. Raufarhafnarhrepps, Öxarfjarðarhrepps, Kelduneshrepps og Húsavíkurbæjar. Íbúar eru hvattir til þess að nýta rétt sinn og kjósa.

Bæjarráð samþykkti á fundi sínum í gær, þ. 29.12.2005 að taka þátt í kostnaði við hljómsveit á áramótadansleik með fjárframlagi allt að 40.000,- kr.

Því miður fækkar íbúum Húsavíkurbæjar eitt árið enn og nemur fækkunin 53 íbúum miðað við íbúafjöldann eins og hann var skráður 1. des. 2004 skv. tölum Hagstofu Íslands. Samkvæmt  þeim er hann 2.373 1. des. 2005 en var 2.426 fyrir ári síðan. Raunar er það svo að íbúum fækkar í öllum sveitarfélögum sýslunnar nema Þórshafnarhreppi, en þar fjölgar þeim um 6. Í heildina fækkar í sýslunni um 103 á milli ára.

Um miðnætti í gær bættist nýr bátur í flota Húsavíkinga. Nýji báturinn heitir Aron ÞH 105 og er í eigu Knarrareyri ehf. Báturinn nýji er yfirbyggður línuvélabátur og liggur hann við gömlu flotbryggjuna og er hann til sýnis í dag,  23. desember.

Vegna mistaka hjá prentstofu birtist eftirfarandi auglýsing ekki í Skránni eins og til stóð.  Opnunartími stofnana er sem hér segir: Stjórnsýsluhúsið; þ.e. skrifstofur Fjármála og stjórnsýslusviðs, Fjölskyldu og þjónustusviðs, Umhverfis- og framkvæmdasviðs og Orkuveitu Húsavíkur ehf.; -     lokað annan í jólum. Einnig verður lokað mánudaginn 2. jan. vegna áramótauppgjörs.

Föstudaginn 16. desember síðastliðinn, funduðu fulltrúar úr forvarnarhópi Húsavíkurbæjar vegna ábendinga um framboð á fíkniefnum á Norðurlandi. Í framhaldinu var eftirfarandi bréf sent foreldrum unglinga á Húsavík.

Lokið er við útreikningi á 140 þorskígildistonna byggðakvóta sem kom í hlut Húsavíkurbæjar og hefur umsækjendum verið send tilkynning um úthlutunina. Hér fyrir neðan má smella á tákn og sjá lista yfir það hvernig úthlutunin skiptis milli einstakra báta.  Byggðakvóti

Fundur verður haldinn í Bæjarstjórn Húsavíkurbæjar, þriðjudaginn 20. desember 2005 og hefst hann kl. 16.00. Fundarstaður er Blái salurinn í Félagsheimili Húsavíkur.

Kæru Húsvíkingar og nærsveitamenn! JÓLASKEMMTUN Á FOSSHÓTEL HÚSAVÍK Laugardaginn 17.des kl 20:30 (húsið opnar kl 20:00) Hjálmar og Þeir  sjá um skemmtunina ásamt gestum. (tónlist,getraunir,spurningakeppni og margt margt fleira) Allur ágóði skemmtunarinnar rennur í nýstofnaðan sjóð SAMHLJÓMUR