Fyrsta farþegaskipið til Kópaskers

Í vikunni varð sögulegur áfangi í sögu Kópaskers þegar fyrsta farþegaskipið lagðist úti fyrir þorpinu. Um er að ræða leiðangursskipið Ultramarine, sem er 128 metra langt og flutti um 150 farþega. Skipið er eitt af fullkomnustu leiðangursskipum heims og er sérhannað fyrir siglingar á norðurslóðum.

Koma skipsins markar tímamót fyrir Kópasker og opnar ný tækifæri fyrir ferðaþjónustu og atvinnulíf á svæðinu. Gestirnir fá tækifæri til að kynnast einstakri náttúru, sögu og menningu Öxarfjarðar og Kelduhverfis, en jafnframt er þetta mikilvægt skref í að kynna Kópasker sem áhugaverðan viðkomustað fyrir smærri farþegaskip.

Norðurþing fór í sérstakt átak 2025 til að til að fjölga komum leiðangursskipa til sinna hafna á Húsavík, Raufarhöfn og Kópaskeri skipafélög sem starfa innan vébanda AECO sem eru samtök minni leiðangursskipa á Norðurslóðum

Farþegar fóru með rútum um Demantshringinn þar sem stutt er í nokkrar af þekktustu náttúruperlum landsins, svo sem Ásbyrgi, Hljóðakletta, Dettifoss og Jökulsárgljúfur. Farþegar fóru svo um borð í skipið á Húsavík í lok dags.