Holur í götum á Húsavík

Ágætu vegfarendur og ökumenn,

Götur á Húsavík eru að koma illa undan snjó og víða í bænum má finna stórar og djúpar holur. Vegna bleytu og snjóalaga er ekki unnt að ráðast í varanlegar viðgerðir að svo stöddu. Starfsmenn þjónustumiðstöðvar munu hins vegar gera sitt besta til að bregðast við með bráðabirgðaaðgerðum, svo sem að fylla í holur með möl og setja upp aðvörunarskilti þar sem þörf krefur.

Ökumenn eru hvattir til að sýna sérstaka aðgát og tillitssemi í umferðinni. Ástandið er verst á helstu umferðargötum og við gatnamót þeirra.

Unnið verður að varanlegum úrbótum um leið og veður og aðstæður leyfa.

-Framkvæmdarsvið Norðurþings