Laus Kennarastaða við Öxarfjarðarskóla

Vilt þú slá til og koma að kenna með okkur í Öxarfjarðarskóla næsta vetur?

Öxarfjarðarskóli er fámennur samrekinn leik- og grunnskóli með tæplega 60 nemendur skólaárið 2026-27, þar af um 40 nemendur í grunnskóladeild. Um er að ræða í samkennslu árganga í þremur deildum; yngri deild (1.-4.b), miðdeild (5.-7.b) og unglingadeild (8. - 10.b). Skólinn er staðsettur í fallegu og gróðursælu umhverfi við Öxarfjörð þar sem starfar góður og samhentur hópur fólks eftir gildum skólans sem eru vinátta, virðing, jákvæðni og metnaður. Leitað er eftir umsjónarkennara í teymi á mið-og unglingastig í 100% stöðu með sérstaka áherslu á íslensku og dönsku.

 

Helstu verkefni og ábyrgð

• Umsjónarkennsla í teymi.
• Samstarf við foreldra um nám og velferð barna.
• Samstarf innan skólans að faglegum málefnum.

Menntunar- og hæfniskröfur

• Kennaramenntun og leyfisbréf til kennslu í grunnskóla.
• Góð íslenskukunnátta í ræðu og riti er skilyrði.
• Áhugi á teymisvinnu og teymiskennslu.
• Áhugi á að starfa með börnum.
• Frumkvæði í starfi og faglegur metnaður.
• Jákvæðni og sveigjanleiki í mannlegum samskiptum.
• Sjálfstæð og skipulögð vinnubrögð.
• Hafa á valdi sínu fjölbreyttar kennsluaðferðir sem taka mið af mismunandi þörfum nemenda.
• Ábyrgð og stundvísi.
• Hreint sakavottorð.

 

Með umsókn skal senda afrit af prófskírteinum og meðmæli.

Frekari upplýsingar veitir Hrund Ásgeirsdóttir, skólastjóri á hrund@oxarfjardarskoli.is

Umsóknarfrestur er til 16.júní.

Sækja um  -  Kennarastaða við Öxarfjarðarskóla - 50skills