Ný sveitarstjórn Norðurþings tók til starfa

Ný sveitarstjórn hélt sinn fyrsta fund í gær, 11. júní. Sjálfstæðisflokkurinn, Samfylkingin, Framsóknarflokkurinn og Óskalistinn mynda nýjan meirihluta sveitarstjórnar.

Á fundinum var kosið í fastanefndir og ráð sveitarfélagsins. Jafnframt var undirritaður ráðningarsamningur við nýjan sveitarstjóra, Bergþór Bjarnason.

Samkvæmt samkomulagi flokkanna verður Helena Eydís Ingólfsdóttir, oddviti D-lista, forseti sveitarstjórnar. Kjartan Páll Þórarinsson, oddviti S-lista, verður formaður byggðarráðs, Rebekka Ásgeirsdóttir úr S-lista verður formaður fjölskylduráðs og Þorsteinn Snævar Benediktsson úr D-lista formaður skipulags- og framkvæmdaráðs.

Málefnasamningur meirihlutans var undirritaður 2. júní sl. Lesa má nánar um hann hér.

Með þessum ákvörðunum hefur ný sveitarstjórn formlega hafið störf á nýju kjörtímabili. Ítarlegri upplýsingar um fundinn og skipan í ráð og nefndir sveitarfélagsins má finna í fundargerð fundarins.