Fréttir

      Sunnudaginn 17 maí kl. 15 opnar sýningin „Brennið þið vitar!“  í Kópaskersvita.   Ásdís Sif Gunnarsdóttir er listamaður Kópaskersvita en Ásdís fæst við myndbanda og gjörningalist þar sem hún bregður sér í ólík hlutverk dulspárra vera.      

Næsti fundur sveitarstjórnar Norðurþings verður haldinn þriðjudaginn 19. mai. kl. 16.00 í Stjórnsýsluhúsinu á Húsavík

Samkeppni vegna hönnunar á nýju merki Héraðssambands Þingeyinga. Ákveðið var á ársþingi HSÞ að ráðast í hönnunarsamkeppni á nýju merki sambandsins byggðu á merkjum eldri félaga UNÞ og HSÞ Tillaga 2 Ársþingið felur stjórn að auglýsa eftir tillögum að nýju merki í staðarfjölmiðlum í anda gömlu merkja HSÞ og UNÞ. Tillögum sé skilað fyrir 15. júní 2009 og kynntar á formannafundi fyrir lok júní 2009. Formannafundur hefur úrskurðarvald í vali á nýju merki fyrir HSÞ. Tillögum að merki sé skilað á skrifstofu sambandsins að Stóragarði 8 640 Húsavík eða í tölvupósti hsth@hsth.is   í síðasta lagi 15. júní 2009

Skólaþjónusta Norðurþings bíður upp á endurmenntunarnámskeið fyrir grunn- og leikskólakennara nú í sumar og á fyrri hluta skólaársins 2009-2010. Námskeiðin sem eru í boði eru: Útikennsla og útinám, Tákn með tali, Stærðfræðikennsla ungra nemenda, Námskeið fyrir faggreinakennara, Danska fyrir mið- og unglingastig og Læsi - Lestur til náms og skilnings. Umsóknarfrestur á námskeiðin er til 5. júní.

Á árlegum samráðsfundi Skipulagsstofnunar og sveitarfélaga um skipulagsmál sem haldinn var í Keflavík 7. og 8. maí sl. kynntu Matthildur Kr. Elmarsdóttir og Sigmar Metúsalemsson ráðgjafar hjá Alta vinnu við aðalskipulag Norðurþings. Þau fóru í gegnum greiningu á náttúru, minjum og landslagi í dreifbýli sveitarfélagsins og nálgun við stefnumörkun á grundvelli þeirrar greiningar.

Vinnuskóli Norðurþings auglýsir eftir umsóknum vegna unglingavinnu.  Eins og flestir vita þá er mikið atvinnuleysi í landinu sökum þess ástands sem nú ríkir. Þetta á ekki síst við um ungt fólk sem nú kemur úr skóla í vor. Norðurþing hefur tekið þá ákvörðun að taka nemendur sem nú ljúka 10. bekk inn í Vinnuskólann í sumar. Þetta hefur í för með sér ákveðnar breytingar þar sem allir vinnuhópar koma til með að fá styttri vinnutíma en áður. En þetta er gert með það í huga að fleiri fái vinnu, þó svo að vinnan verði minni. Síðasti skiladagur umsókna í Vinnuskólann er 18.maí og skal skilað til Æskulýðsfulltrúa Norðurþings í Íþróttahöllinni á Húsavík. Umsóknareyðublað fyrir vinnuskólann

Umsóknareyðublöð um garðslátt má nú nálgast á skrifstofu Norðurþings. Til að eiga rétt á þessari þjónustu hafa verið sett ákveðin skilyrði*: - Umsækjandi þarf að vera undir árstekjum sem hér segir:  Einstaklingar þurfa að vera undir 2.315,250  í árstekjur  Hjón eða sambýlisfólk þurfa að vera undir 2.989,980 í árstekjur. - Umsækjandi þarf að búa í heimahúsi. - Hvorki umsækjandi né annað heimilisfólk 18 ára og eldra getur séð um garðslátt, vegna aldurs eða örorku.

Norðurþing býður grænmetisgarða til leigu í sumar á Húsavík, Kópaskeri og Raufarhöfn.  Verð á 25 fermetra garði er 1000 kr. fyrir sumarið. Kartöflugarðar verða auk þess  að venju í boði hjá Kaldbak á Húsavík fyrir aðeins 25 kr. á hvern fermetra. Húsvíkingar pantið hjá Jan í síma 464-6173 Kópaskersbúar pantið hjá Friðgeiri í síma 464-9805 Raufarhafnarbúar pantið hjá Óskari í síma 464-9865

Sumarið 2009 mun sveitarfélagið Norðurþing standa fyrir sumarvinnu fyrir ungmenni sem fædd eru árið 1992 eða fyrr og eiga  lögheimili í sveitarfélaginu Norðurþingi. Vinna mun hefjast í byrjun júní og að öllum líkindum standa yfir fram í lok júlí ( þó mun vinnutími fara eftir fjölda umsækjenda). Verkefni verða t.d.:  gróðursetning, áburðargjöf á plöntur, stígagerð, eyðing illgresis, grisjun skóga o.fl.

Ákveðið hefur verið að loka „opnu húsi" fyrir atvinnuleitendur vegna dræmrar þátttöku.  Endurskoðað mun verða í haust hvort hús verði opnað að nýju fyrir atvinnuleitendur.

Auglýst er eftir umsækjendum úr Norðurþingi í norrænt samstarfsverkefni. Umsækjendur þurfa að vera á aldrinum 16 - 19 ára og hafa gott vald á ensku. Þátttakendur munu þurfa að vera með kynningu á Íslandi og á sveitarfélaginu Norðurþingi. Umsóknarfrestur er til 30. apríl. 5 ungmennum úr Norðurþingi hefur verið boðið að taka þátt í Norrænu ungmennamóti í Álaborg í Danmörku dagana 28.-júní-4.júlí 2009.

Kjörskrá fyrir Norðurþing var lögð fram á skrifstofum sveitarfélagsins föstudaginn 17. apríl  og mun hún liggja frammi á venjulegum opnunartíma skrifstofanna. Kjörskráin mun liggja frammi almenningi til sýnis fram að kjördegi. Hver sem er getur gert athugasemdir til sveitarstjórnar um að nafn eða nöfn einhverra kjósenda vanti á kjörskrá eða þeim sé þar ofaukið. Athugasemdir skulu vera skriflegar og lagðar fram á skrifstofum sveitarfélagsins.