Fréttir

Menningar- og fræðslunefnd Norðurþings auglýsir eftir framkvæmdaraðila/aðilum að sumartónleikum 2009. Tónleikarnir eru styrktir af Lista- og menningarsjóði Norðurþings.  Frábært tækifæri fyrir hæfileikaríka einstaklinga.

Vegna versnandi veðurútlits hefur verið ákveðið að flytja hátíðardagskránna, sem vera átti við Borgarhólsskóla að lokinni skrúðgöngu, inn í Íþóttahöllina. Eins verður fjölskyldudansleikur sem vera átti við skólann færður inní Höllina.

Fimmtudaginn 18. júní mun Leikhópurinn Lotta koma til Húsavíkur með nýjustu leiksýningu sína Rauðhettu. Sýnt verður í Skrúðgarðinum og hefst sýningin klukkan 18:00. Sýnt er utandyra og er því um að gera að klæða sig eftir veðri og taka með sér teppi til að sitja á og hlýja sér ef kalt er í veðri.

32. fundur sveitarstjórnar Norðurþings verður haldinn í stjórnsýsluhúsi Norðurþings, þriðjudaginn 16. júní 2009 og hefst kl. 16:00 Dagskrá fundarins má sjá hér að neðan.

Skrifstofur Norðurþings verða lokaðar frá kl. 12:15 föstudaginn 12. júní.

Á opnum fundi sem haldinn verður í grunnskólanum á Húsavík í kvöld, fimmtudagskvöld 11. júní, kl. 20.00 verða kynnt drög að aðalskipulagstillögu fyrir Húsavík og Reykjahverfi.  Drögin fyrir Húsavík eru til sýnis hér. Íbúar og aðrir hagsmunaaðilar eru hvattir til að mæta.  

Næsti fundur sveitarstjórnar Norðurþings verður haldinn þriðjudaginn 16. Júní 2009 í Stjórnsýsluhúsinu á Húsavík. Fundurinn hefst kl. 16:00 Dagskrá fundarins verður birt síðar hér á heimasíðu Norðurþings.

Norðurþing boðar til íbúafundar í sal Borgarhólsskóla á Húsavík fimmtudaginn 11. júní nk. kl. 20-22.15. Á fundinum verður fjallað um framtíðarþróun byggðar og skipulag á Húsavík og nágrenni auk tillögu að aðalskipulagsbreytingu vegna fyrirhugaðra stóriðjuframkvæmda.  Fundurinn er liður í aðalskipulagsgerð fyrir sveitarfélagið.

Samtökin Landsbyggðin lifir mun fimmtudaginn 11. júní halda málþing í samstarfi við Framfarafélag Fljótsdalshéraðs.  Málþingið verður haldið á Möðrudal á Fjöllum og hefst kl. 15.  Yfirskrift málþingsins verður: Farsæld til framtíðar - virkjum landið og miðin.  Fyrirlestrar og umræðuefni málþingsins fjalla um auðlindanýtingu og framleiðslustjórn grunnatvinnugreinanna til lands og sjávar.

Á Raufarhöfn er nú verið að koma upp myndarlegu kaffihúsi og gallerýi. Það er félagið Gallerý Ljósfang sem hefur staðið fyrir framkvæmdum sl. mánuði við að breyta húsnæði N1 sem er í hjarta þorpsins.

Nú á vordögum vaknaði sú hugmynd að útbúa bækling með upplýsingum um þá afþreyingarmöguleika sem eru í boði í sveitarfélaginu Norðurþingi. Í framhaldi af því var auglýst eftir upplýsingum frá félögum og einstaklingum sem ætluðu sér að vera með starf í sumar og er bæklingur þessi afurð þeirrar svörunar. Sumarbæklingurinn

Þann 1. júní hefst sumaropnunartími í Sundlaug Húsavíkur.  Sundlaugin verður þá opin sem hér segir: Mánudaga - Föstudaga 06:45 - 21:00 Laugardaga og Sunnudaga 10:00 - 17:00 Frá 1.7 til 16.8 er opið 10:00 - 19:00. Opnunartíminn um hvítasunnuhelgina: Hvítasunnudagur kl. 10:00 - 17:00 Annar í hvítasunnu kl. 10:00 - 17:00