Fréttir

Menningarráð Eyþings auglýsir til umsóknar verkefnastyrki til menningarstarfs á Norðausturlandi Menningarráð Eyþings auglýsir eftir umsóknum um styrki á grundvelli  samnings  mennta- og menningarmálaráðuneytis og  iðnaðarráðuneytis við Eyþing frá 27. apríl 2007. Tilgangur styrkjanna er að efla menningarstarfsemi og menningartengda ferðaþjónustu á Norðausturlandi.

Gönguskíðaæfing fyrir börn og unglinga verður föstudaginn 15. janúar kl. 15:00 við skíðaskála á Reykjaheiði. Skíðabúnaður á staðnum. Nefndin

Skíðasvæðið í Skálamel er nú lokað vegna snjóleysis. Þegar úr rætist með snjóalögin þá verður skíðasvæðið opið milli kl. 14:00 og 19:00 á virkum dögum og milli klukkan 11:00 og 17:00 um helgar. 

Á morgun, 31. desember, verða sorptunnur og sorpgámar tæmdir í suðurhluta Húsavíkur.  Þeim tilmælum er vinsamlegast beint til íbúa að hreinsa snjó frá sorptunnum sínum til að auðvelda starfsmönnum við sorphirðu sín störf.  Sorphirðan hefst kl. 8:00 í fyrramálið.

Kveikt verður í áramótabrennunni á Húsavík kl. 16:30 á gamlársdag.  Brennan er staðsett við skeiðvöllinn ofan við hesthúsin.  Kiwanismenn munu sjá um flugeldasýningu.  Munið að koma hvorki með flugelda né blys að brennunni.  Látum fagmennina í Kiwanis sjá um þá hluti. Þrettándagleði 2010 Miðvikudaginn 6. janúar verður haldin þrettándagleði á Húsavík.  Brenna, söngur, gleði og flugeldasýning.  Gengið verður frá Íþróttahöllinni kl. 18:00.  Gengið verður niður á uppfyllinguna sunnan við GPG.

Stjórnsýsluhúsið verður lokað á Aðfangadag og Gamlársdag.  Dagana 28. desember til 30. desember verður opið milli klukkan 10:00 og 14:00.

Opnunartími Sundlaugar Húsavíkur yfir jól og áramót verður sem hér segir: Aðfangadagur 24.12 10:00 - 12:30 Jóladagur 25.12 LOKAÐ Annar í jólum 26.12 10:00 - 13:00 Sunnudagur 27.12 10:00 - 17:00 Mánudagur 28.12 6:45 - 21:00 Þriðjudagur 29.12 6:45 - 21:00 Miðvikudagur 30.12 6:45 - 21:00 Fimmtudagur 31.12 10:00 - 15:00 Föstudagur 01.01 LOKAÐ Aðra daga er opið eins og venjulega. Forstöðumaður

Næsti fundur sveitarstjórnar Norðurþings verður haldinn mánudaginn 21. desember n.k. í Stjórnsýsluhúsinu á Húsavík. Fundurinn hefst kl. 16:15. Dagskrá fundarins er hægt að sjá hér að neðan.

Frá og með 1. janúar 2010 hefur sveitarfélagið Norðurþing/Eignasjóður ákveðið að leggja fram leigusamning vegna umsýslu með  fasteignum sveitarfélagsins. Félagið er eignarhalds- og rekstrarfélag sem er í eigu Norðurþings og heyrir undir Framkvæmda-og þjónusturáð Norðurþings. Starfsmaður Eignasjóðs er einn og hefur aðsetur í Stjórnsýsluhúsinu á Húsavík. Hefur hann nána samvinnu við forstöðumenn, húsverði og starfsmenn þjónustuvera.

Hin árlega Jólaskemmtun Samhljóms - styrktarfélags verður haldin í Fosshóteli Húsavík (Félagsheimili Húsavíkur) sunnudaginn 13. desember kl. 16:00.  Hljómsveitin Hjálmar og þeir mun flytja jólalög ásamt því að gestsöngvarar munu syngja.  Þeir eru Bylgja Steingrímsdóttir, Aðalsteinn Júlíusson, Kristján Halldórsson, Halla Marín Hafþórsdóttir, Daníel Borgþórsson og Valdís Jósefsdóttir. 

Ferðamálastofa auglýsir styrki til úrbóta í umhverfismálum fyrir árið 2010. Sérstök áhersla verður lögð á verkefni tengd sjálfbærri ferðaþjónustu fyrir alla sem hafa heildrænt skipulag og langtímamarkmið að leiðarljósi. Íslensk náttúra er eitt helsta aðdráttarafl Íslands í hugum ferðamanna. Stefna íslenskra stjórnvalda er að ferðaþjónustan í landinu starfi sem mest í anda sjálfbærni. Liður í því er markviss uppbygging og fyrirbyggjandi aðgerðir til verndunar íslenskrar náttúru. Styrkir skiptast í tvo meginflokka:

Nú er búið að troða skíðagöngubraut á íþróttavellinum á Húsavík.