Fréttir

Með vísan í samþykkt sveitarstjórnar Norðurþings tilkynnist að endurgreiðsla allt að 10. 000.- krónum vegna æfingagjalda barna og unglinga, 0 -18 ára, fyrir árið 2008 verða greiddar út í samvinnu við íþrótta- og ungmennafélög í Norðurþingi.  Foreldrar / forráðamenn eru beðnir að hafa samband við framkvæmdastjóra/umsjónarmenn íþrótta- og umgmennafélaga sem munu annast endurgreiðslur æfingagjaldanna í samræmi við samþykkt sveitarfélagsins. f.h. Norðurþings Jóhann Rúnar Pálsson, æskulýðsfulltrúi

Sveinn Hreinsson hefur tekið við starfi umsjónarmanns fasteigna Norðurþings af Vigfúsi Sigurðssyni.  Sveinn mun gegna starfinu í a.m.k. eitt ár en hann gegndi áður starfi æskulýðsfulltrúa Norðurþings.  Í starf æskulýðsfulltrúa hefur verið ráðinn Jóhann Rúnar Pálsson. Hjá Félagsþjónustunni hafa einnig orðið nokkarar breytingar á starfsmannahaldi:

Jan Aksel Harder Klitgaard hefur verið ráðinn garðyrkjustjóri hjá Norðurþingi frá næstu áramótum.  Jan var garðyrkjustjóri sveitarfélagsins á árabilinu 2000 til 2007 en hefur unnið á Hveravöllum síðustu mánuði.

Ferðakaupstefnunni Vestnorden 2008 lauk í gær og voru fulltrúar AÞ harla ánægðir með framlag Þingeyinga. Á kaupstefnunni voru fjórir glæsilegir básar frá Þingeyingum. Ferðaþjónustuaðilar í Mývatnssveit voru með sameiginlegan bás undir merkjum Mývatnsstofu, hvalaskoðunarfyrirtækin Norðursigling og Gentle Giants á Húsavík voru hvort með sinn básinn og AÞ sá um kynningu á Norðausturlandi sem heild.

Hinn árlegi Hrútadagur verður haldinn í Faxahöllinni á Raufarhöfn laugardaginn 4. október.  Sala á hrútum hefst kl. 14:00 og uppboð um kl. 15:30.  Kaffiveitingar verða á staðnum ásamt íslandsmeistarakeppni í kjötsúpugerð sem hefst um kl. 16:00.  Hagyrðingakvöld hefst svo um kl. 21:00 auk þess sem ýmsar óvæntar uppákomur verða að því loknu.

Alexandra Chernyshova, sópransöngkona heldur einsöngstónleika á Húsavík og Akureyri helgina 27. og 28. september. Efnisskrá tónleikanna eru rómantísk lög eftir rússneska tónskáldið Sergei Rachmaninov. Alexandra er búsett í Skagafirði, stofnaði Óperu Skagafjarðar sem setti upp La Traviata á síðasta ári. Alexandra er að taka upp geisladisk um þessar mundir með lögum eftir S.Rachmaninov. Tilefni þessar tónleika er að kynna væntanlega útgáfu geisladisksins.

Nágrannasveitarfélag okkar, Tjörneshreppur, hefur opnað nýjan vef.  Slóðin á vefinn er www.tjorneshreppur.is .  Á vefnum er hægt að nálgst ýmsar upplýsingar um sveitarfélagið s.s. um þjónustu, stjórnkerfið og íbúatal.  Að auki munu á vefnum birtast fréttir frá sveitarfélaginu. Við hjá Norðurþingi óskum Tjörnesingum til hamingju með glæsilegan vef.

Æskulýðsnefnd Norðurþings auglýsir eftir umsóknum um styrki úr Afreks- og viðurkenningarsjóði Norðurþings. Reglur um Afreks- og viðurkenningarsjóð Norðurþings ásamt umsóknareyðublöðum má nálgast hér eða á skrifstofu Norðurþings á Húsavík.

Alþjóðlegt háskólanámskeið í sjávarspendýrafræði er nú í fyrsta sinn kennt við Rannsókna- og fræðasetur Háskóla Íslands á Húsavík.  Sjávarspendýrafræðingarnir Dr. Marianne Rasmussen, forstöðumaður Rannsókna- og fræðasetursins á Húsavík, og Dr. Patrick Miller frá St. Andrews háskóla í Skotlandi eru umsjónarmenn námskeiðsins sem er samvinnuverkefni Háskóla Íslands og St. Andrews háskóla.  Fjórtán háskólanemar frá Bretlandi, Bandaríkjunum, Þýskalandi, Indlandi og Íslandi sækja námskeiðið, flestir meistaranemar. Í fyrstu lotu hafa nemarnir verið um borð í bátum Norðursiglingar á Húsavík og safnað gögnum um hvali og höfrunga á Skjálfanda; auk þess sem fylgst hefur verið með ferðum dýranna úr vitanum við Húsavík.

Samkvæmt nýrri könnun sem Capacent gerði fyrir Úrvinnslusjóð flokka tæplega 91% Íslendinga sorp til endurvinnslu. Nær 19% segjast gera það alltaf og um 37% oft. Um 35% segjast flokka sorp stundum eða sjaldan. Hlutfall þeirra sem flokka sorp til endurvinnslu hefur hækkað frá síðustu mælingu árið 2006, þegar um 84% sögðust flokka sorp. Vikuna 12.-19. september verður haldin endurvinnsluvika þar sem kynnt verður mikilvægi endurvinnslu fyrir íslenskt samfélag. Sérstök áhersla verður lögð á kynningu fyrir unglinga þar sem kannanir benda til að fólk á aldrinum 16-20 ára standi sig einna verst í flokkun sorps.

Nú hefur Vinnumálastofnun/ Félagsmálaráðuneytið auglýst styrki til Atvinnumála kvenna lausa til umsóknar og er umsóknarfrestur til 28.september næstkomandi.  Til umráða nú eru 50 milljónir sem að verður úthlutað til kvenna sem hafa góðar viðskiptahugmyndir. Kynningarfundir um styrkina og þjónustu við konur sem hyggja á atvinnurekstur verður haldinn á Húsavík föstudaginn 19. september kl. 12:00 - 13:00 á Gamla Bauk.  

Norðurþing auglýsir starf dreifbýlisfulltrúa Norðurþings laust til umsóknar. Dreifbýlisfulltrúi mun hafa aðsetur á Raufarhöfn eða Kópaskeri. Umsóknarfrestur er til 30. september 2008 og skal umsóknum skilað inn skriflega, stílað á Norðurþing, Ketilsbraut 7-9, 640 Húsavík, merkt dreifbýlisfulltrúi. Sjá nánar um starfssvið og menntunar- og hæfniskröfur