Fréttir

Skv. ákvæðum hafnarlaga nr. 61/2003 eru gjaldskrárákvarðnir í höndum einstakra hafnarstjórna frá og með 1. júlí n.k. Hafnarnefnd Húsavíkurbæjar hefur ákveðið að frá og með 1. júlí gildi gjaldskrá fyrir hafnir nr. 398/2003 sem almennur hluti gjaldskrár Húasvíkurhafnar.

Fulltrúar Þingeyjarsveitar, Orkuveitu Húsavíkur, Norðurorku og Orkuveitu Reykjavíkur, hafa undirritað viljayfirlýsingu um samsatarf um virkjun Skjálfandafljóts við Hrafnabjörg í Bárðardal.

Þann 15. maí sl. opnaði félagsmálaráðherra fjölskylduvefinn fjolskylda.is.Tilgangurinn með vefnum er að auðvelda aðgengi almennings að upplýsingum á Netinu um málefni fjölskyldunnar.

Vegagerðin hefur sett upp langþráð bæjarmerki Húsavíkurbæjar við bæjarmörkin. Meðfylgjandi mynd er tekin við mörk Húsavíkurbæjar og Tjörneshrepps við Reiðará.

Starfsmenn Norðurvíkur hafa undanfarna daga unnið að endurnýjun þakjárns á eldri byggingu sundlaugarinnar. Vekinu miðar vel. Í ljós kom nokkur fúi í þakinu og þurfti að skipta um sperrur og borðaklæðningu á um 10 -15 m2 svæði. Verklok eru áformuð 11. júní nk.

Framkvæmdir við nýja götu, Lyngholt á Húsavík hófust 28. maí. Við þann hluta götunnar sem nú er unnið að eru 3 einbýlishúsalóðir, ein parhúsalóð og ein raðhúsalóð.

Síðan við tókum ákvörðun um vinabæjarheimsókn til ykkar var efst i huga tilhlökkun og spenningur um framtíðar samstarfsverkefni, sem gætu sprottið úr heimsókninni. Við heimsóttum Húsavík með þau markmið – að hætti vina – að kanna hvernig við getum starfað betur saman í framtíðinni til gagns og gamans fyrir íbúa bæja okkar.

Ársreikningar Húsavíkurbæjar fyrir árið 2003 voru afgreiddir við síðari umræðu í bæjarstjórn 18. maí s.l. Heildartekjur bæjarfélagsins urðu heldur minni en upphafleg fjárhagsáætlun ársins gerði ráð fyrir og munar þar tæpum 22 millj. Rekstrargjöld fóru 65 millj. fram úr áætlunum og munar þar mest um hækkun á reiknaðri lífeyrisskuldbindingu (42,6 millj.) og afskriftir viðskiptakrafna vegna gjaldþrota (20,7 millj.).  Almennur rekstur stofnana og þjónustumálaflokka var hins vegar almennt í góðu samræmi við áætlanir.

Fulltrúar frá vinabæ okkar í Grænlandi, Lars Karl Jensen, bæjarstjóri og Ove Berthelsen, bæjarritari (kommunaldirektör) voru hér í heimsókn á dögunum ásamt Benedikte Thorsteinsson, formanni KALAK sem er vinafélag Grænlands og Íslands.

Nú nýverið hefur verið úthlutað lóðum undir þrjú einbýlishús hér á Húsavík, en þess má geta að síðast var hér hafin bygging íbúðarhúss árið 2000.

Bæjarráð Húsavíkurbæjar samþykkti þann 1. apríl 2004 nýjar innheimtureglur vegna innheimtu á tekjum Húsavíkurbæjar. Þessar nýju reglur koma í stað eldri reglna frá 14. nóvember 1994. Samhliða upptöku á innheimtureglunum hefur verið samið við Regula-lögmannsstofu ehf. um innheimtu á vanskilakröfum sem sveitarfélagið á eða hefur umsjón með. Reglurnar eru að finna hér á heimasíðunni undir "Upplýsingum"