Fréttir

Í dag var undirritaður verkefnissamningur milli Byggðastofnunar annars vegar og Aðaldælahrepps, Húsavíkurbæjar og Þingeyjarsveitar hins vegar, um byggðaverkefnið rafrænt samfélag. Um er að ræða samstarfsverkefni sveitarfélaganna sem valið var í samkeppni stjórnvalda á síðasta ári. Heiti verkefnisins er Skjálfandi í faðmi þekkingar – Rafrænt samfélag við Skjálfanda og eru einkunnarorð þess, Virkjum alla!. Vísa þau til megin markmiðs verkefnisins sem er að virkja alla íbúa byggðarlagsins til að nýta sér möguleika tölvu- og upplýsingatækninnar á sem flestum sviðum hins daglega lífs.

Rúmlega tvö hundruð manns tóku þátt í vel heppnuðu íbúaþingi í dag. Þingið var haldið í Borgarhólsskóla við góðar aðstæður. Bæjarstjóri Reinhard Reynisson setti þingið og var að auki þingforseti. Starfsmenn Tækniþings útskýrðu vinnu sína við aðalskipulag bæjarins á greinargóðan hátt í máli og myndum. Umræðuhópar voru að störfum og verður spennandi að sjá hvað kemur útúr þeirri vinnu, en það verða nemendur Framhaldsskólans á Húsavík sem safna saman niðurstöðum frá hópstjórum og skrá þær. Niðurstöður verða svo kynntar á opnum fundi eftir um það bil hálfan mánuð. Hann mun verða auglýstur síðar. Bæjarbúum er þökkuð góð og málefnaleg  þátttaka.

Bæjarráð hefur úthlutað byggðakvóta sveitarfélagsins í samræmi við reglur og fyrirliggjandi umsóknir. Sjávarútvegsráðuneytið hefur staðfest úthlutunina og mun Fiskistofa færa veiðiheimildir á einstaka báta þegar þeir hafa uppfyllt reglur Húsavíkurbæjar um úthlutun. Úthlutunin hefur verið tilkynnt viðkomandi aðilum með bréfi. Í hlut Húsavíkurbæjar komu 37,3 þígt. (þorskígildistonn) og skiptast þau þannig á milli einstakra báta:

Eins og venja er á Öskudag var mikið um prinsessur og prinsa, bófa og ræningja á ferðinni í bænum. Þetta glæsilega klædda og farðaða fólk hentist á milli verslana og fyrirtækja í bænum og hóf um raust sína og hlaut "mæru" að launum fyrir. Margir lögðu leið sína á bæjarskrifstofuna, starfsfólki til mikillar ánægju.

Stofnfundur samatkanna Cruise Iceland var haldinn  á Hótel Sögu fyrir skömmu og sóttu hann rúmlega 70 manns. Á fundinum voru flutt erindi um móttöku skemmtiskipa í hinum ýmsu höfnum landsins og fram kom að sumarið 2004 verður  það stærsta í komum skemmtiskipa til landsins. Húsavíkurhöfn er stofnaðili að samtökunum, enda það eitt af markmiðum markaðssetningaráætlunar hafnarstjórnar að auka komur erlendra skemmtiferðaskipa hingað á næstu árum. Í því sambandi hefur höfnin m.a. unnið í samvinnu við MarkHús og sjö aðrar hafnir í landinu að útgáfu kynningarefnis sem kynnt var útgerðaraðilum skemmtiferðaskipa í Bandaríkjunum s.l. haust.  

Ráðist hefur verið í umfangsmiklar breytingar í sláturhúsi Norðlenska á Húsavík. Framkvæmdir við endurnýjun á gólfi á sláturlínu eru hafnar. Til stendur að endurnýja gólfið samkvæmt nýjustu stöðlum og meðal annars verður nýtt kvarsgólfefni lagt á gólfin og vel upp á veggi. Í tengslum við þetta verður skipt um verulegan hluta af pípulögnum á sláturlínunni. Aðgerðir þessar eru til þessa að viðhalda útflutningsleyfi á sláturhúsinu á Húsavík.   Fréttin er af local.is

Þessa dagana eru ársskýrslur stofnana Húsavíkurbæjar að birtast hér á heimasíðunni. Bæjaryfirvöld ákváðu að í þetta sinn birtust ársskýrslurnar einungis á heimasíðunni en yrðu ekki prentaðar í hefti. Um dreifingu í hvert hús í Húsavíkurbæ verður því ekki að ræða að þessu sinni. Ársskýrslur stofnana er að finna undir flipanum "Upplýsingar" Líf og fjör í Skálamelnum

Athygli er vakin á því að Fjárhagsáætlun ársins 2004 og rekstrar - og framkvæmdaáætlun fyrir árin 2005 - 2007 er komin á heimasíðuna undir flipanum "Upplýsingar"

Á dögunum samþykkti bæjarstjórn jafnréttisáætlun fyrir Húsavíkurbæ fyrir árin 2003-2006 sem m.a. hefur verið gerð ágæt grein fyrir í fjölmiðlum. Vegna þeirrar umfjöllunar er rétt að upplýsa að stjórnkerfi bæjarins byggir á bæjarráði og fjórum fastanefndum sem kosið er í af bæjarstjórn. Í bæjarráði eiga sæti þrír karlar og engin kona, í framkæmdanefnd eiga sæti fjórir karlar og ein kona, í fræðslunefnd eiga sæti fjórar konur og einn karl, í hafnarnefnd eiga sæti fimm karlar og engin kona og í tómstundanefnd eiga sæti þrjár konur og tveir karlar. Þannig eru karlar í meirihluta í tveimur af fjórum fastanefndum og konur í hinum tveimur. Hægt er að skoða skipan nefndanna nánar undir tenglinum “Stjórnkerfið > Nefndir og ráð” hér á síðunni. Nefndarmenn framtíðarinnar

Félagsmálaráðuneytið hefur tekið upp rafræna móttöku fjárhagsáætlana sveitarfélaga. Tilgangurinn er að auðvelda upplýsingaöflun og markvissa vinnslu upplýsinga úr þeim og miðla til sveitarfélaganna og annarra aðila.     Í þessu eins og mörgu öðru eru menn misfljótir að tileinka sér nýjungar, þannig hafa aðeins tíu sveitarfélög enn sem komið er skilað upplýsingunum á þessu rafræna formi. Meðal þeirra eru Húsavíkurbær, Aðaldælahreppur og Þingeyjarsveit sem saman standa að byggðaverkefni um rafrænt samfélag undir nafninu “Skjálfandi í faðmi þekkingar – rafrænt samfélag við Skjálfanda”.  

Þann 23. september 2004 samþykkti Tómstunanefnd Húsavíkurbæjar nýja Jafnréttisáætlun fyrir Húsavíkurbæ. Áætlunin hlaut staðfestingu Bæjarsjórnar Húsavíkurbæjar 20. janúar 2004. Gildistími er til loka árs 2006. Áætlunina í heild er að finna hér á síðunni undir " Samþykktir"

Þann 15.janúar s.l. samþykkti bæjarráð Húsavíkurbæjar nýjar reglur um ritun, form og varðveislu fundargerða hjá Húsavíkurbæ. Helstu breytingarnar eru þær að nú er heimilt að rita fundargerðir í tölvu, þó skal fært til gerðabókar númer fundar, hvar og hvenær fundur er haldinn og þess getið að fundargerðin sé tölvuskráð. Bæjarstjórn staðfesti samþykkt bæjarráðs, þann 20. janúiar 2004.