Úthlutanir úr lista- og menningarsjóði Norðurþings 2022

Lista- og menningarsjóður Norðurþings er opinn fyrir umsóknir allt árið og er tekið við umsóknum rafrænt hér

Sjóðurinn er ætlaður til að styrkja smærri verkefni sem stuðla að eflingu menningarstarfs í Norðurþingi en hámarksúthlutun úr sjóðnum eru 100.000 kr. í hvert verkefni.

Árið 2022 hlutu eftirfarandi verkefni styrk á bilinu 40.000 – 100.000 kr. úr lista- og menningarsjóði Norðurþings:

• Joachim B. Schmidt vegna upplestrar á Raufarhöfn úr bók sinni Kalmann, en Raufarhöfn er sögusvið bókarinnar
• Urður, tengslanet kvenna, vegna viðburða sem veita konum tækifæri til að kynna sér menningu, list og atvinnuuppbyggingu víða á Norðausturlandi
• Einar Óli Ólafsson vegna útgáfutónleika á Húsavík, Akureyri og í Reykjavík
• Kvenfélag Keldhverfinga vegna afmælis- og menningarhátíðar kvenfélagsins í Skúlagarði í júní
• Aldey Unnar Traustadóttir vegna Druslugöngunnar á Húsavík
• Tónasmiðjan vegna tónleikanna Rokkum gegn sjálfsvígum
• STEM Húsavík vegna fjölskylduferðar í tengslum við NorthQuake 2022 jarðskjálftaráðstefnu sem fór fram á Húsavík
• Salóme Bregt Hollanders vegna sýningarinnar Gárur sem verður sett upp í Hvalasafninu á Húsavík í ársbyrjun 2023
• Klaudia Migdal vegna fjölmenningar- og jógahelgi á Húsavík
• Húsavíkurstofa og félag eldri borgara vegna samanbrjótanlegra útibása fyrir bæjarhátíðir og markaði sem meðlimir í félagi eldri borgara byggðu í tengslum við aðventuhátíðina Jólabærinn minn
• Húsavíkurstofa og Húsavíkurkirkja vegna tónlistarflutnings í Húsavíkurkirkju sem var hluti af aðventuhátíðinni Jólabærinn minn

Eins og sjá má eru verkefnin sem hljóta styrk úr lista- og menningarsjóði Norðurþings fjölbreytt og skemmtileg. Við hvetjum öll sem eru með hugmyndir að því hvernig má efla menningarlíf í Norðurþingi til að sækja um í sjóðinn.