Byggðarráð Norðurþings
Dagskrá
1.Fjárhagsáætlun Norðurþings 2019
Málsnúmer 201805247Vakta málsnúmer
Fjármálastjóri fer yfir drög að tekjuáætlun vegna fjárhagsáætlunar 2019 og þriggja ára áætlunar 2020-2022 ásamt drögum að fjárhagsrömmum fyrir árið 2019.
Fjármálstjóri sveitarfélagsins kynnti fyrstu forsendur til umræðu við gerð fjárhagsáætlunar fyrir árið 2019 og þriggja ára áætlunar.
2.Húsnæðismál og skipulag - samstarf Norðurþings og Búfesti hsf. á grunni fyrri samskipta aðila
Málsnúmer 201808100Vakta málsnúmer
Erindi frá Benedikt Sigurðarsyni, framkvæmdastjóra Búfesti hsf. liggur fyrir fundinum. Í bréfinu er vísað til fyrri samskipta Búfesti hsf. og Norðurþings m.a. bókunar byggðaráðs á fundi nr. 244 og bréfs dags 7. mars 2018. F.h. Búfesti hsf. er óskað eftir tækifæri til að eiga viðræður við fulltrúa Norðurþings varðandi möguleika á að setja af stað þróunarverkefni með byggingaraðilum sem staðið gæti undir verulegum nýbyggingum og þéttri nýtingu byggingarsvæða á Húsavík og mögulega víðar í sveitarfélaginu. Benedikt mætir til fundarins og fer ítarlegar yfir hugmyndir Búfesti hsf. um framhaldið.
Benedikt Sigurðarson og Eiríkur Haukur Hauksson frá húsnæðissamvinnufélaginu Búfesti mættu á fundinn. Byggðarráð þakkar fulltrúum Búsfestis hsf. fyrir erindið og felur sveitarstjóra að vinna með fulltrúum félagsins að gerð viljayfirlýsingar um samstarf um þróun og uppbyggingu húsnæðis innan sveitarfélagsins og leggja fyrir á næsta fundi byggðarráðs.
3.Bréf til sveitarstjórna vegna samráðsfundar Eyþings
Málsnúmer 201808077Vakta málsnúmer
Fyrir byggðarráði liggur bréf Eyþings dagsett 23. ágúst 2018 þar sem óskað er tilnefningar tveggja fulltrúa Norðurþings á samráðsfund sem áformað er að halda föstudaginn 7. september kl. 10:00-12:00 á Akureyri. Óskað er eftir að skipun fulltrúa berist Eyþingi fyrir 6. september n.k.
Byggðarráð tilnefnir Guðbjart Ellert Jónsson og Kristján Þór Magnússon sem fulltrúa Norðurþings á fundinum.
4.SÍBS Líf og heilsa á Norðurlandi eystra í lok ágúst 2018
Málsnúmer 201808009Vakta málsnúmer
Hjartaheill, Samtök sykursjúkra, Samtök lungnasjúklinga og SÍBS í samstarfi við Heilbrigðisstofnun Norðurlands (HSN) bjóða upp á ókeypis heilsufarsmælingu 27.-30. ágúst á Norðurlandi Eystra.
Óskað er eftir samstarfi og stuðningi sveitarfélaga til að standa straum af kostnaði við verkefnið.
Óskað er eftir samstarfi og stuðningi sveitarfélaga til að standa straum af kostnaði við verkefnið.
Byggðarráð styrkir verkefnið um 50.000 krónur og hvetur íbúa til að nýta sér þjónustuna.
5.Arctic Coast Way - Norðurstrandarleið
Málsnúmer 201711020Vakta málsnúmer
Fyrir byggðarráði liggur skjal þar sem farið er yfir skilyrði fyrir þátttöku í verkefninu Arctic Coast Way/Norðurstrandarleið.
Slík skilyrði, og reglur um starfsemi í tengslum við ACW, eru nauðsynleg til þess að tryggja þau gæði þjónustunnar sem merkið ACW mun standa fyrir og gestir geta reitt sig á. Með þeim verður einnig meiri samfella á milli ólíkra fyrirtækja sem vilja tengjast ACW, og þá sérstaklega í allri markaðssetningu.
Slík skilyrði, og reglur um starfsemi í tengslum við ACW, eru nauðsynleg til þess að tryggja þau gæði þjónustunnar sem merkið ACW mun standa fyrir og gestir geta reitt sig á. Með þeim verður einnig meiri samfella á milli ólíkra fyrirtækja sem vilja tengjast ACW, og þá sérstaklega í allri markaðssetningu.
Lagt fram til kynningar.
Fundi slitið - kl. 10:00.