Fjölskylduráð

131. fundur 18. október 2022 kl. 08:30 - 11:45 í stjórnsýsluhúsi Norðurþings

Nefndarmenn

Birna Ásgeirsdóttir varamaður
Aðalmaður: Helena Eydís Ingólfsdóttir
Bylgja Steingrímsdóttir aðalmaður
Hanna Jóna Stefánsdóttir aðalmaður
Ingibjörg Benediktsdóttir aðalmaður
Rebekka Ásgeirsdóttir varaformaður
Ingibjörg Hanna Sigurðardóttir áheyrnarfulltrúi

Starfsmenn

Hróðný Lund félagsmálastjóri
Jón Höskuldsson fræðslufulltrúi
Kjartan Páll Þórarinsson Íþrótta- og tómstundafulltrúi
Sigrún Björg Aðalgeirsdóttir fjölmenningarfulltrúi
Berglind Jóna Þorláksdóttir skrifstofu- og skjalastjóri

Fundargerð ritaði: Berglind Jóna Þorláksdóttir skrifstofu- og skjalastjóri

Dagskrá

Jón Höskuldsson, fræðslufulltrúi, sat fundinn undir liðum 1-2.
Hróðný Lund, félagsmálastjóri, sat fundinn undir liðum 1.
Sigrún Björg Aðalgeirsdóttir, fjölmenningarfulltrúi, sat fundinn undir liðum 1 og 7.

1.Áætlanir vegna ársins 2023

Málsnúmer 202205060 Vakta málsnúmer

Fjölskylduráð heldur áfram umfjöllun sinni um fjárhagsáætlun fjölskyldusviðs 2023.

Fjölskylduráð vísar fjárhagsáætlun fræðslusviðs til byggðarráðs og óskar eftir hækkun á ramma um kr. 49.438.864.

Fjölskylduráð vísar fjárhagsáætlun íþrótta- og tómstundasviðs til byggðarráðs og óskar eftir hækkun á ramma um kr. 29.500.000.

Fjölskylduráð vísar fjárhagsáætlun félagsþjónustusviðs til byggðarráðs og óskar eftir hækkun á ramma um kr. 11.884.090.

Fjölskylduráð vísar fjárhagsáætlun menningarsviðs til byggðarráðs og óskar eftir hækkun á ramma um kr. 2.226.108.

Ráðið felur sviðsstjórum að taka saman minnisblað um stöðu fjárhagsáætlunargerðar 2023 og láta fylgja með til byggðarráðs.

2.Samstarf Grunnskóla Raufarhafnar og Öxarfjarðarskóla

Málsnúmer 202101045 Vakta málsnúmer

Fjölskylduráð fjallar um hvernig til hafi tekist með aukið samstarf Grunnskóla Raufarhafnar og Öxarfjarðarskóla og sameiginlega skólastjórnun þeirra. Tveggja ára tímabundinni ráðningu skólastjóra lýkur 31. júlí 2023.

Fjölskylduráð þakkar Hrund fyrir góða yfirferð og fagnar því að vel hafi tekist til. Ráðið ákveður að skólastjórn verði áfram sameiginleg og staða skólastjóra auglýst. Fræðslufulltrúa falið að skoða útfærslur að auknu samstarfi í samráði við foreldra, börn, starfsfólk og skólastjóra.

3.Ungmennaráð 2022 - 2023

Málsnúmer 202210048 Vakta málsnúmer

Fyrir fjölskylduráði liggja tillögur um aðila í Ungmennaráð sveitarfélagsins en er ekki hægt að skipa í ráðið þar sem vantar tillögum frá Framhaldsskólanum á Húsavík.

Fjölskylduráð frestar erindinu og óskar hér með eftir tillögum um aðila í Ungmennaráð sveitarfélagsins frá framhaldsskólanum á Húsavík.

4.Samningamál Norðurþings og Völsungs 2023-

Málsnúmer 202210034 Vakta málsnúmer

Íþróttafélagið Völsungur hefur skipað samninganefnd vegna samstarfssamings við sveitarfélagið og óskar eftir að hefja samningaviðræður.

Fjölskylduráð skipar í samninganefnd sveitarfélagsins eftirfarandi aðila:

Kjartan Páll Þórarinsson, íþrótta- og tómstundafulltrúi.
Ingibjörg Benediktsdóttir, kjörinn fulltrúi.
Helena Eydís Ingólfsdóttir, kjörinn fulltrúi.

Ráðið felur samninganefnd að boða fulltrúa Völsungs á fund.

5.Gjaldskrá íþrótta- og tómstundasviðs 2023

Málsnúmer 202210050 Vakta málsnúmer

Fyrir fjölskylduráði liggja drög að gjaldskrá íþrótta- og tómstundamál fyrir árið 2023.

Fjölskylduráð samþykkir fyrirliggjandi gjaldskrá og vísar henni til kynningar í byggðarráði og staðfestingar í sveitarstjórn.

6.Aðstaða ferðamanna á tjaldsvæðinu á Húsavík

Málsnúmer 202210049 Vakta málsnúmer

Norðurþingi hefur borist bréf frá aðalvarðstjóra lögreglunnar á Húsavík varðandi aðstöðu á tjaldsvæðinu á Húsavík utan háannatíma um sumarið.

Lagt fram til kynningar.

7.Gjaldskrá menningarsviðs 2023

Málsnúmer 202210056 Vakta málsnúmer

Fyrir fjölskylduráði liggja drög að gjaldskrá Bókasafna Norðurþings fyrir árið 2023

Fjölskylduráð samþykkir hækkun á gjaldskrá Bókasafna Norðurþings um 7.5% og vísar til kynningar í byggðarráði og staðfestingar í sveitarstjórn.

Fundi slitið - kl. 11:45.