Fræðslu- og menningarnefnd Norðurþings

Einar Gíslason forstöðumaður Húsavíkurstofu og verkefnisstjóri Mærudaga 2014 mætti á fundinn. Einar kynnti skýrslu verkefnisstjóra og uppgjör vegna Mærudaga 2014. Fræðslu- og menningarnefnd þakkar Einari vel unnin störf í þágu Mærudaga. Einar Gíslason vék af fundi kl. 12:20.

Fyrir fundinum liggur áætlun sjúkraþjálfara um hreyfistundir fyrir aldraða í íþróttahúsinu á Húsavík. Kostnaður vegna þessara hreyfistunda er greiddur af málaflokki 03 heilbrigðismál. Fræðslu- og menningarnefnd fagnar framtakinu.

Fyrir nefndinni liggur erindi frá Íþróttasambandi lögreglumanna þar sem óskað er eftir auglýsingu eða styrk vegna útgáfu á bæklingnum "Í umferðinni." Í bæklingnum er farið yfir helstu atriði sem ung börn þurfa að varast í umferðinni og er hann sendur öllum sex ára börnum á landinu í tengslum við umferðarfræðslu. Fræðslu- og menningarnefnd samþykkir að styrkja útgáfuna um kr. 20.000.

Fræðslu- og menningarfulltrúi kynnti útgönguspá ársins 2014 vegna málaflokka 03, 04 og 05. Málaflokkarnir í heild koma vel út þrátt fyrir nokkur frávik á einstökum stofunum sem skýrast flest af kjarasamningsbundnum launahækkunum. Fræðslu- og menningarfulltrúi gerði grein fyrir stöðu vinnu við fjárhagsáætlun vegna ársins 2015.

Fræðslu- og menningarfulltrúi lagði fram samantekt vegna búnaðarþarfar í skólum sveitarfélagsins. Samantektin hefur verið send framkvæmda- og hafnanefnd.

Fræðslu- og menningarfulltrúi lagði fram samantekt um þörf á viðhaldi og endurbótum á húsnæði skóla sveitarfélagsins. Fræðslu- og menningarnefnd vísar samantektinni til framkvæmda- og hafnanefndar.

Erindi frá Kristni Rúnari Tryggvasyni fyrir hönd skólabílstjóra við Öxarfjarðarskóla. Í erindinu er farið fram á bakvaktargreiðslur til handa skólabílstjórum vegna rýmingaráætlunar sem er í gildi vegna flóðahættu. Erindið er stílað á sveitarstjóra og lagt fyrir nefndina til kynningar.

Fræðslu- og menningarnefnd samþykkir að úthluta allt að kr. 550.000 úr sjóðnum í októberúthlutun 2014.

Georg Erlingsson sækir um styrk að upphæð kr. 75.000 vegna gerðar stuttmyndarinnar "Förin." Myndin verður kvikmynduð í Garðskirkju í Kelduhverfi. Bæði börn og fullorðnir úr sveitinni leika í myndinni og kirkjukór Garðskirkju syngur. Fræðslu- og menningarnefnd samþykkir styrk að upphæð kr. 30.000 sem greiðist í samræmi við framgang verkefnisins.

Guðni Bragason sækir um styrk að upphæð kr. 150.000 vegna útgáfu á hljómdiski með eigin efni. Fræðslu- og menningarnefnd sér sér ekki fært að verða við erindinu.

Íþróttafélagið Völsungur sækir um styrk að upphæð kr. 200.000 vegna ritunar sögu félagsins. Félagið verður 90 ára árið 2017 en stefnt er að útgáfu sögu þess árið 2027 er félagið verður 100 ára. Þegar er hafin vinna við efnisöflun og söguritun. Fræðslu- og menningarnefnd samþykkir styrk að upphæð kr. 50.000 sem greiðist í samræmi við framgang verkefnisins.

Sótt er um styrk að upphæð kr. 200.000 vegna starfsemi Kammerkórs Norðurlands og tónleikahalds vetrarins. Fræðslu- og menningarnefnd samþykkir styrk að upphæð kr. 50.000.

Rafnar Orri og Harry Bjarki Gunnarssynir sækja um styrk vegna gerðar myndar um sögu Húsavíkur. Áætlað er að myndin verði frumsýnd í tengslum við Mærudaga árið 2016. Fræðslu- og menningarnefnd samþykkir styrk að upphæð kr. 50.000 sem greiðist í samræmi við framgang verkefnisins.

Róbert Hlynur Baldursson sækir um styrk vegna fyrirhugaðrar útgáfu bókar með myndum Baldurs Einarssonar af Þingeyingum. Áætlað er að bókin komi út sumarið 2015. Fræðslu- og menningarnefnd samþykkir styrk að upphæð kr. 20.000 sem greiðist í samræmi við framgang verkefnisins.

Róbert Hlynur Baldursson sækir um styrk vegna sýningar á myndum Baldurs Einarssonar af Þingeyingum. Sýningin er unnin í samstarfi við Menningarmiðstöð Þingeyinga og er fyrirhuguð sumarið 2015. Fræðslu- og menningarnefnd samþykkir styrk að upphæð kr. 50.000 sem greiðist í samræmi við framgang verkefnisins.

Sólseturskórinn sækir um styrk vegna starfemi kórsins. Fræðslu- og menningarnefnd samþykkir styrk að upphæð kr. 70.000.

Fræðslu- og menningarnefnd samþykkir fyrirliggjandi tillögur að breytingum og leggur til við bæjarstjórn að þær verði staðfestar. Nefndin felur fræðslu- og menningarfulltrúa að leita eftir samningum við Orkuveitu Húsavíkur um framlag til Lista- og menningarsjóðs.

Yfirlýsingin lögð fram til kynningar.

Fundargerð 84. fundar stjórnar Þekkingarnets Þingeyinga lögð fram til kynningar.

Lögð fram til kynningar.