Framkvæmda- og hafnanefnd Norðurþings

Mikil sandsöfnun er orðin í Kópaskershöfn sem farin er að takmarka viðlegupláss í höfninni verulega. Ekki eru neitt fé til dýpkunar á áætlun Siglingastofnunar þetta ár.Leitað var eftir tölum frá Vökvaþjónustu Kópaskers til bráðabirgðadýpkunar og lá það fyrir fundinum.Einnig lá fyrir fundinum beiðni frá hafnarstjóra um að fá að taka á leigu gám frá Vökvaþjónustu Kópaskers fyrir vigtarmann við höfnina fram á haust. Framkvæmda- og hafnanefnd samþykkir að semja við Vökvaþjónustuna um dýpkun á grundvelli fyrirliggjandi gagna. Nefndin gerir athugasemd við hugmyndir fyrirtækisins um losunarstað og felur hafnarstjóra að koma þeim skilaboðum á framfæri.Framkvæmda- og hafnanefnd samþykkir líka að taka gáminn á leigu.

Eigendur ofangreindra fasteigna óska eftir því við Norðurþing, sem á stærstan hluta lóða á Gudhjonsensreit, komi að því með eigendum fyrrgreindra eigna að skipt verði um jarðveg á svæðinu og reiturinn malbikaður í sumar. Unnið verði á grundvelli hugmynda sem Arnhildur Pálmadóttir og Röðull Reyr Kárason kynntu fyrir bæjaryfirvöldum í október 2012 og sjá má á vefsíðu Norðurþings.
Framkvæmda- og hafnanefnd þakkar bréfriturum fyrir erindið og áhuga þeirra á að fegra lóðir sínar og umhverfi. Nefndin skorar á skipulags- og byggingarnefnd að láta deiliskipuleggja svæðið svo framkvæmdir geti hafist innan ekki of langs tíma.Áki vék af fundi undir þessum lið.

Vignir sækir um lóðir fyrir tvö hesthús í nýju hesthúsahverfi í Saltvík. Annarsvegar fyrir sína hönd og Stefáns Haraldssonar, hinsvegar fyrir hönd Einars Víðis Einarssonar og Þorgríms Jóels Þorgrímssonar. Sótt er um lóðir merktar B1 og B2 á deiliskipulagi fyrir svæðið. Fyrirhugað er að byggja tvö eins hús 9*25m eða 225m2 hvort. Framkvæmda- og hafnanefnd leggur til við bæjarstjórn að umsækjendum verði veittar þessar lóðir en vekur athygli á að kostnaðarverð lóðanna liggur ekki fyrir.

Elvar Daði, sem býr á Grímstungu, óskar eftir að gera samning við Norðurþing um snjómokstur á veginum heim að bænum vegna skólaaksturs. Á næsta haust verður skólaskylt barn búandi þar og mun sækja skóla í Reykjahlíð.Elvar Daði útfærir hugmyndir sínar nánar í tölvupóstinum sem inniheldur erindið. Sviðsstjórar framkvæmda- og hafnasviðs og menningar- fræðslusviðs ásamt Vegagerðinni eru með málið til umfjöllunar.Nefndin frestar ákvörðun þangað til niðurstaða er fengin úr þeirri vinnu.

Framkvæmda- og þjónustufulltrúi fór yfir og kynnti hugmyndir garðyrkjustjóra um verkefni og fyrirkomulag málaflokksins. Framkvæmda- og hafnanefnd þakkar garðyrkjustjóra fyrir en frestar umræðum um hugmyndirnar þangað til á næsta fundi.