Hafnanefnd

5. fundur 18. ágúst 2016 kl. 16:15 - 17:45 í stjórnsýsluhúsi Norðurþings
Nefndarmenn
  • Trausti Aðalsteinsson formaður
  • Sigurgeir Höskuldsson varaformaður
  • Þórir Örn Gunnarsson
Fundargerð ritaði: Þórir Örn Gunnarsson Rekstrarstjóri hafna
Dagskrá

1.Áhættumat stofnana og verndaráætlanir hafna/ GG ráðgjöf

201607244

Kynningarbréf um gerð áhættumats og verndaráætlana.
Lagt var fram til kynnningar bréf frá GG ráðgjöf sem sérhæfir sig í gerð áhættumats og verndaráætlana.

Hafnanefnd felur rekstrarstjóra hafna að sjá til þess að hafnir Norðurþings uppfylli lög og reglur um aðbúnað og hollustuhætti á vinnustöðum.

2.Umsókn um leyfi fyrir vegvísi

201608049

Naustið ehf sækir um leyfi til að staðsetja vegvísi, fyrir veitingahús fyrirtækisins, við Manna á hafnarsvæðinu á Húsavík.
Hafnanefnd samþykkir umrædd leiðbeiningarskilti við dæluhús á hafnarstétt ( Manna ) út september 2016. Skiltið er alfarið á ábyrgð eiganda.

3.Áætlun hafnaryfirvalda um móttöku úrgangs og farmleifa frá skipum

201606136

Komið er að því að endurskoða áætlanir hafna Norðurþings, um móttöku og meðhöndlun úrgangs og farmleifa frá skipum, sem staðfest var af Umhverfisstofnun þann 18. apríl 2013
Rekstrarstjóri hafna fór yfir stöðu mála varðandi losun sorps og úrgangs ásamt fráveitu í og við Húsavíkurhöfn.

4.Norðurfylling - útlit og skipulag

201608073

Nýtt útlit og form Norðurfyllingar.
Hafnanefnd samþykkir að breyta hönnun og útliti Norðurfyllingar í samræmi við fyrirliggjandi tillögu Landmótunar.

Rekstrarstjóra hafna er falið að fylgja málinu eftir og ganga á eftir áætlunum um grjóthleðslur utan á fyllingar í norður- og suðurhöfn.

5.Framkvæmdir við Húsavíkurhöfn 2016

201604139

Staða framkvæmda við Húsavíkurhöfn.
Rekstrarstjóri hafna fór yfir stöðu framkvæmda við Húsavíkurhöfn.
Gangnavinna gengur vel og er reiknað með að slegið verði í gegn í lok næstu viku. Þilframkvæmdir eru liðlega hálfnaðar og ganga nokkuð vel.
Dýpkunarframkvæmdum er lokið.

6.Kópaskershöfn- dýpkun 2016

201605115

Dýpkun Kópaskerhafnar
Dýpkun Kópaskershafnar samkvæmt áætlun er lokið.

Vinna þarf áfram að því að koma viðhaldsdýpkunum á Kópaskerhöfn inn í samgönguáætlun til að tryggja að höfnin verði nothæf um komandi ár.

Fundi slitið - kl. 17:45.