Slippurinn á Húsavík

Málsnúmer 201410062

Framkvæmda- og hafnanefnd Norðurþings - 44. fundur - 15.10.2014

Rætt um framtíðarfyrirkomulag slippreksturs á Húsavík. Núverandi leigusamningur rennur út um n.k. áramót. Framkvæmda- og hafnanefnd samþykkir að auglýsa slippinn til sölu og óska eftir tilboðum ásamt áformum bjóðenda um uppbyggingu í og við slippinn.

Framkvæmda- og hafnanefnd Norðurþings - 65. fundur - 25.11.2015

Hafnarstjóri leggur til við Framkvæmda- og hafnarnefnd að slippurinn í Naustafjöru á Húsavík verði auglýstur til sölu. Með í sölunni fylgdu lóðarréttindi og byggingarréttur eins og nánar er skilgeint í deiliskipulagi Norðurhafnar sem samþykkt var í bæjarstjórn 20. janúar 2015. Tilboðsgjöfum verði gert að skila inn tímasettri áætlun um uppbyggingu á svæðinu og nýtingu slippsins.

Framkvæmda- og hafnanefnd leggur til við bæjarstjórn að slippurinn verði auglýstur til sölu og verði salan skilyrt áframhaldandi nýtingu hans við viðhald báta og skipa.

Hafnanefnd - 1. fundur - 08.03.2016

Fyrir hafnanefnd liggur fyrir kauptilboð í Húsavíkurslipp

Eitt tilboð barst í lóð og fasteign samkvæmt auglýsingu.

Hafnanefnd sér sér ekki fært að taka tilboðinu en býður tilboðshafa til frekari viðræðna um málið.

Hafnanefnd - 2. fundur - 20.04.2016

Erindi frá Norðursiglingu varðandi Slippinn á Húsavík

Einn aðili sýndi umræddri lóð áhuga og sendi inn tilboð og uppbyggingaráform. Hafnanefnd lítur jákvæðum augum á þau áform og því er rekstrastjóra hafna falið að senda tilboðsgjafa gagntilboð og ganga til samninga við hann ef ásættanlegt verð fæst fyrir lóðina.

Hafnanefnd - 3. fundur - 11.05.2016

Slippurinn á Húsavík

Hafnastjóri og rekstrarstjóri hafna ásamt Norðursiglingu hafa komist að samkomulagi um kaupverð á slippnum. Er það í samræmi við ákvörðun og óskir hafnanefndar frá fyrri fundi.

Hafnanefnd felur rekstrarstjóra hafna að ganga frá kaupsamningi við Norðursiglingu. Söluverð slippsins er 6.592.295 kr.