Fjallalamb sækir um stöðuleyfi fyrir brennslugám
Málsnúmer 201601080
Vakta málsnúmerSkipulags- og byggingarnefnd Norðurþings - 137. fundur - 11.02.2016
Óskað er eftir stöðuleyfi fyrir 20-40 feta gám sem á að nota til brennslu á áhættuvefjum. Gámurinn yrði 6 m vestan húsveggjar að Röndinni 3 og innan lóðarmarka Fjallalambs. Fyrir liggur umsögn slökkviliðs Norðurþings. Ennfremur liggur fyrir greinargerð Umhverfisstofnunar vegna reksturs slíkra brennsluofna.
Skipulags- og byggingarnefnd frestar afgreiðslu erindisins.
Skipulags- og umhverfisnefnd - 1. fundur - 08.03.2016
Óskað er eftir stöðuleyfi fyrir brennslugám við húsnæði Fjallalambs. Í gámnum er ætlunin að brenna áhættuvefjum eingöngu, allt að 15.000 kg á ári. Gámurinn er hugsaður 6 m frá húsvegg. Erindi fylgir rissmynd af staðsetningu.
Fyrir liggur minnisblað Umhverfisstofnunar um rekstur brennsluofna við sláturhús til að brenna áhættuvefjum dags. 24. apríl 2015.
Slökkvilið Norðurþings hefur skoðað erindið og telur nauðsynlegt að gámurinn verði ekki skemmra frá húsvegg en 7 m.
Fyrir liggur minnisblað Umhverfisstofnunar um rekstur brennsluofna við sláturhús til að brenna áhættuvefjum dags. 24. apríl 2015.
Slökkvilið Norðurþings hefur skoðað erindið og telur nauðsynlegt að gámurinn verði ekki skemmra frá húsvegg en 7 m.
Skipulags- og umhverfisnefnd Norðurþing fellst á erindið enda verði fjarlægð gáms frá húsi að lágmarki 7 m og búnaður brennslunnar standist kröfur reglugerðar. Nefndin minnir á það álit Umhverfisstofnunar að starfræksla ofnsins sé starfsleyfisskyld og að fella beri starfleyfisskilyrði fyrir ofninn inn í starfsleyfi fyrir sláturhúsið sjálft.