Reglur um útleigu á íþróttamannvirkjum og félagsheimilum Norðurþings

Fjölskylduráð felur íþrótta- og tómstundafulltrúa að uppfæra reglur um útleigu á íþróttamannvirkjum Norðurþings og leggja fyrir næsta fund ráðsins.

Ráðið fjallaði um málið á 37. fundi þess þar sem íþrótta- og tómstundafulltrúa var falið að leggja uppfærðar reglur fyrir ráðið.

Fjölskylduráð leggur til að Norðurþing setji sér eftirfarandi reglur varðandi útleigu á íþróttahúsum og félagsheimilum í sinni eigu:

Norðurþing leggst gegn því að íþróttahús og félagsheimili í sinni eigu verði leigð út og notuð undir skemmtanir þar sem áfengi er haft um hönd nema að aldurstakmark sé að lágmarki 18 ára.

Séu félagsheimili eða íþróttahús í umsjón rekstaraðila verði gerðir viðaukar við samninga sem tryggja að eftir þessu sé farið.

Íþrótta- og tómstundafulltrúa er falið að koma reglunum til framkvæmdar þegar í stað í þeim mannvirkjum er heyra undir hann.

Ráðið vekur ennfremur athygli skipulags- og framkvæmdarsviðs á reglum þessum.
Ráðið vísar málinu til byggðarráðs sem fer með samningsmál við rekstraraðila eigna Norðurþings.

Byggðarráð felur sveitarstjóra að ganga frá reglunum og auglýsa.