Dómsuppsaga í Ássandsmáli

Fyrir byggðarráði liggur dómur Héraðsdóms Norðurlands eystra í máli íslenska ríkisins gegn eigendum lands innan sandgræðslugirðingar á Ássandi.

Fyrir byggðarráði liggur dómur Héraðsdóms Norðurlands eystra í máli íslenska ríkisins gegn eigendum lands innan sandgræðslugirðingar á Ássandi.
Með dómi 3. desember 2019 var aðalsök vísað frá dómi en málið dæmt efnislega í gagnsök. Gagnsakarþáttur málsins var staðfestur með dómi Landsréttar 18. desember 2020 í máli nr. 883/2019. Frávísunarþáttur dómsins var felldur úr gildi með úrskurði Landsréttar 4. febrúar 2020 í máli nr. 15/2020. Var málið endurflutt um aðalsök og dómtekið að nýju 24. febrúar 2021. Dómara þeim sem fór með málið auðnaðist ekki að leggja dóm á það vegna veikinda. Nýr dómari tók við málinu 10. júní sl. Fór aðalmeðferð fram að nýju og var málið dómtekið 8. nóvember 2021.

Á 382. fundi byggðarráðs þann 16. desember 2021 var kynnt dómsuppsaga í Ássandsmálinu.
Á fundinum var bókað;
Byggðarráð felur sveitarstjóra, að fara yfir mögulegt framhald málsins í samráði við aðra landeigendur.

Fyrir byggðarráði liggur minnisblað frá staðgengli sveitarstjóra eftir fund hans með lögfræðingi sveitarfélagins.

Á 383. fundi byggðarráðs Norðurþings var eftirfarandi bókað um málið:

Byggðarráð vísar málinu til umfjöllunar í stjórn Orkuveitu Húsavíkur ohf. og tekur málið aftur til umfjöllunar þegar afstaða stjórnar Orkuveitunnar liggur fyrir.

Fyrir byggðarráði liggur afstaða Orkuveitu Húsavíkur. Málið var tekið fyrir á fundi nr. 227 hjá Orkuveitu Húsavíkur þann 28.01.2022. Þar kemur fram að Orkuveita Húsavíkur sé með hitaveituholu á óskiptu landi Bakkajarða og hefur varið fjármunum í að rannsaka hana. Orkuveitan telur mikilvægt að nýtingarréttur verði tryggður komi til þess að holan verði nýtt í þágu samfélagsins.