Byggðarráð Norðurþings
Dagskrá
Kristján Þór Magnússon, Hafrún Olgeirsdóttir og Benóný Valur Jakobsson sátu fundinn í fjarfundi.
1.Viðræður við Björgu Capital vegna Aðalbrautar 20-22 á Raufarhöfn
Málsnúmer 202112087Vakta málsnúmer
Til samræmis við umræður og ákvörðun byggðarráðs á fundi 385 mun sveitarstjóri ásamt lögmanni sveitarfélagsins gera grein fyrir framvindu viðræðna við Björgu Capital vegna tilboðs félagsins í fasteignir við Aðalbraut 20-22 á Raufarhöfn.
Nú liggja fyrir frekari gögn frá Björgu Capital um væntingar þeirra til sveitarfélagsins um kaup á lóðinni. Byggðarráð mun fjalla aftur um málið að viku liðinni með hverfisráði Raufarhafnar og forsvarsfólki Bjargar Capital.
Sveitarstjóra falið að vinna málið áfram.
Sveitarstjóra falið að vinna málið áfram.
2.Íslandsþari ehf. - staða verkefnisins
Málsnúmer 202101132Vakta málsnúmer
Sveitarstjóri gerir grein fyrir framvindu samtala við fulltrúa Íslandsþara ehf um mögulega uppbyggingu fyrirtækisins á Húsavík.
Sveitarstjóri fór yfir málið og væntingar eru til þess að skýrsla um samfélags- og staðbundin umhverfisáhrif liggi fyrir á næsta fundi byggðarráðs.
3.Dómsuppsaga í Ássandsmáli
Málsnúmer 201912013Vakta málsnúmer
Fyrir byggðarráði liggur afstaða Orkuveitu Húsavíkur. Málið var tekið fyrir á fundi nr. 227 hjá Orkuveitu Húsavíkur þann 28.01.2022. Þar kemur fram að Orkuveita Húsavíkur sé með hitaveituholu á óskiptu landi Bakkajarða og hefur varið fjármunum í að rannsaka hana. Orkuveitan telur mikilvægt að nýtingarréttur verði tryggður komi til þess að holan verði nýtt í þágu samfélagsins.
Byggðarráð er sammála afstöðu Orkuveitu Húsavíkur og felur sveitarstjóra að hefja viðræður um nýtingu eða kaup á óskiptu landi Bakkajarða.
4.Samstarf Bríetar leigufélags og Norðurþings um uppbyggingu fjögurra íbúða
Málsnúmer 202106011Vakta málsnúmer
Fyrir byggðarráði liggja drög að samkomulagi um leiguvernd á milli Leigufélagsins Bríetar ehf og Norðurþings.
Málið var á dagskrá byggðaráðs á fundi nr.384 þann 13.01.2022.
Málið var á dagskrá byggðaráðs á fundi nr.384 þann 13.01.2022.
Byggðarráð felur sveitarstjóra að ganga frá samkomulagi við Leigufélagið Bríet ehf., vegna tveggja íbúða á Kópaskeri.
5.Úrsögn úr hverfisráði Raufarhafnar
Málsnúmer 202201097Vakta málsnúmer
Byggðarráði hefur borist úrsögn úr hverfisráði Raufarhafnar frá Guðnýju Hrund Karlsdóttur. Fyrir liggur að skipa einstakling í ráðið í hennar stað. Lagt er til að byggðarráð skipi Kolbrúnu Valbergsdóttur í ráðið.
Byggðarráð samþykkir að skipa Kolbrúnu Valbergsdóttur í ráðið og þakkar Guðnýju Hrund fyrir hennar störf í hverfisráðinu.
6.Umsóknir um framlög til sértækra verkefna sóknaráætlanasvæða, sbr. aðgerð C-1.
Málsnúmer 202010180Vakta málsnúmer
Fyrir byggðarráði liggur vinnuskjal um C1- sértækar aðgerðir byggðaáætlunar.
Lagt fram til kynningar.
Lagt fram til kynningar.
Byggðarráð þakkar fyrir greinargott vinnuskjal og samþykkir að mæla með við SSNE að sótt verði um styrk vegna Óskarsstöðvar og Gróðurhúss í Öxarfirði í aðgerð C1.
Hjálmar Bogi óskar bókað:
Undirritaður gæti mælt með öllum verkefnunum enda ekki forsendur fyrir kjörinn fulltrúa að gera upp á milli áhugaverðra verkefna.
Hjálmar Bogi óskar bókað:
Undirritaður gæti mælt með öllum verkefnunum enda ekki forsendur fyrir kjörinn fulltrúa að gera upp á milli áhugaverðra verkefna.
7.Málefni Skúlagarðs - rekstur fram á sumar 2022
Málsnúmer 202104058Vakta málsnúmer
Byggðarráði hefur borist erindi frá Skúlagarður-fasteignafélag ehf, óskað er eftir skammtíma fyrirgreiðslu vegna rekstrarkostnaðar fram á sumarið. Málið var til umræðu á fundi byggðarráðs nr. 385 þann 27.01.2022.
Byggðarráð samþykkir að veita félaginu skammtíma fyrirgreiðslu um allt að 2 m.kr fram á haust 2022.
8.Efnahags- og viðskiptanefnd: Til umsagnar stefnur, lög og frumvörp 2022
Málsnúmer 202201101Vakta málsnúmer
Efnahags- og viðskiptanefnd Alþingis óskar eftir umsögn um tillögu til þingsályktunar um úttekt á tryggingavernd í kjölfar náttúruhamfara, 12 mál.
Lagt fram til kynningar.
Fundi slitið - kl. 10:45.