Úrvinnsla fyrirspurna um niðurfellingu sorphirðugjalds

Til sveitarfélagsins hafa leitað tveir aðilar og óskað eftir niðurfellingu sorphirðugjalda á þeim grunni að sorphirða sé keypt beint af rekstraraðila sorphirðu í Norðurþingi. Til umræðu og afgreiðslu liggja beiðnirnar ásamt sorphirðusamþykkt sveitarfélagsins.

Á 328. fundi byggðarráðs var tekið fyrir erindi tveggja aðila sem óskað hafa eftir niðurfellingu sorphirðugjalda á þeim grunni að sorphirða sé keypt beint af rekstraraðila sorphirðu í Norðurþingi.
Á fundinum var bókað;
Byggðarráð felur sveitarstjóra að taka saman minnisblað og leggja fyrir ráðið að viku liðinni.

Lögð er fyrir byggðarráð ítrekun fasteignareiganda að Iðavöllum 6 um niðurfellingu sorphirðugjalda, í kjölfar þess að sveitarfélagið synjaði áður umbeðinni ósk þess sama.

Á 335. fundi byggðarráðs var eftirfarandi bókað;

Sveitarstjóra falið að afla frekari gagna og vinna málið í samráði við lögmann sveitarfélagsins og leggja fyrir ráðið að nýju.

Á 337. fundi byggðarráðs var bókað;
Sveitarstjóra falið að vinna málið áfram í samræmi við umræður á fundinum og kynna á næsta fundi ráðsins.