Gjaldskrá vegna hunda- og kattahalds 2021

Óskað er afstöðu skipulags- og framvkæmdaráðs varðandi gjaldheimtu 2021 í tengslum við hunda- og kattahald í Norðurþingi.

Til kynningar er gjaldskrá vegna hunda- og kattahalds á árinu 2021.

Á 344. fundi byggðarráðs var bókað;
Byggðarráð beinir því til skipulags- og framkvæmdaráðs að það endurskoði gjaldskrá vegna hunda- og kattahalds með tilliti til raunkostnaðar við þjónustuna, sem felur í sér ormahreinsun, tryggingar, eftirlit og umsýslu.

Á 82. fundi skipulags- og framkvæmdaráðs var bókað;
Skipulag- og framkvæmdaráð samþykkir tillögu byggðaráðs og hvetur hunda- og kattaeigendur til að skrá dýrin sín og bendir á að innifalið í skráningargjaldi er ormahreinsun. Ráðið vísar endurskoðaðri gjaldskrá til byggðarráðs.